Ауа райы
Астана 22 °С
Алматы 23 °С
валюта бағамы
USD 412.55
EUR 468.66
RUB 5.79
CNY 58.80

Алматыда  учаскелік  полицияға Facebook арқылы хабарласуға болады

2020 жылдың 6 тамыз 2020 12:36

АЛМАТЫ. ҚазАқпарат – Алматыда Facebookке 102 учаскелік полиция инспекторы тіркелді, деп хабарлайды ҚазАқпарат тілшісі.

Алматы қалалық Полиция департаментіның хабарлауынша. Бұл ІІМ реформалау және «Халық үніне құлақ асатын мемлекет» қағидаты аясында жүзеге асырылып жатқан шара.

«Бүгін қалада 102 учаскелік полиция пункттері жұмыс істейді, онда 572 учаскелік полиция инспекторы қызмет етеді. Олардың 102-сі аға учаскелік офицерлер болып табылады. Олар бірінші болып Facebook-ке тіркелді. Мақсат – азаматтармен байланыс арналарын құру және кері байланыс орнату. Бүгінгі таңда электронды ресурстар мен әлеуметтік желілер арқылы азаматтардан көптеген хабарламалар аламыз. Бұл өте ыңғайлы. Қоғам өкілдер мен олардың белсенділігінің арқасында біз кішігірім құқық бұзушылықтарды ғана емес, сонымен қатар, қылмыстарды да жедел анықтай аламыз. Аға учаскелік инспекторлардың парақшалары туралы мәліметтерді учаскелік полиция басқармаларының басшыларының парақшаларынан табуға болады, – деді Алматы қалалық ПД жергілікті полиция қызметі басқармасының бастығы Манап Саттаров.

Спикер таяу уақытта барлық учаскелік инспекторлар әлеуметтік желілерге тіркелетіндігін атап өтті.


Автор Алма Мұқанова
Басты сөздер: Алматы, Қоғам,
Жоғары қарай