Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда жанармай бекетінде төбелескендердің кім екені анықталды

2021 жылдың 19 қазан 2021 14:12

АЛМАТЫ. ҚазАқпарат - Желіде Алматыдағы жанармай құю бекеттерінің бірінде бір топ жастың төбелесінің видеосы пайда болды. Полиция осы оқиғаға қатысушылардың барлығын анықтады, деп хабарлайды ҚазАқпарат тілшісі.

Желіге шыққан видео астындағы постта: «Каршеринг» машинасындағы жастар у-шу шығарды» деп жазылды. Посттың авторы кадр сыртында оқиғаның Сейфуллин көшесіндегі жанармай құю бекеттерінің бірінде болғанын айтты.

Аталған оқиға бойынша Алматы қалалық Полиция департаментінде ресми мәлімдеме жасады.

«Аталған фактіні Жетісу аудандық полиция басқармасы ҚР Қылмыстық кодексінің 293-бабы (Бұзақылық) бойынша сотқа дейінгі тергеп-тексерудің бірыңғай тізіліміне тіркеді. Жанжалға қатысушылар анықталып, жауапқа тартылатын болады»,- деп жауап берді қалалық полиция департаментінің баспасөз қызметінде.


Жоғары қарай