Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматыдағы Орталық мемлекеттік мұражай мен Ұлттық кітапханаға лаңкестер шабуыл жасаған - министрлік

2022 жылдың 10 қаңтар 2022 16:18

НҰР-СҰЛТАН. ҚазАқпарат – Қазіргі уақытта мәдениет, архив, спорт, туризм нысандарына келтірілген шығын көлемі есептеліп жатыр, деп хабарлайды ҚазАқпарат Мәдениет және спорт министрлігіне сілтеме жасап.

«Елдің тарихи-мәдени мұрасының тізіміне енгізілген объектілердің жағдайы, келтірілген залал туралы ақпарат-нақтыланып жатыр. Бүкіл ел бойынша тарихи-мәдени мұра ескерткіштерінің жай-күйіне талдау жүргізілуде.

Алматыда Қазақстан Республикасының орталық мемлекеттік мұражайы мен ҚР Ұлттық кітапханасына лаңкестер шабуыл жасаған. Ғимараттардың терезелері мен кіреберісі зақымданған, есіктер сынған, бірақ қорлар мен мұрағаттар сақталған. Қызметкерлердің батылдығының арқасында бұл нысандардың басты мүлкін тонауға жол берілмеді», делінген хабарламада.

Ведомствоның мәліметінше, тарихи-мәдени мұра тізіміне енгізілген нысандарға келтірілген залалға мұқият талдау жүргізіліп жатыр.


Жоғары қарай