Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Алматыдағы орталық саябақта жатақхана салынбайтын болды

2021 жылдың 24 ақпан 2021 21:24

АЛМАТЫ. ҚазАқпарат- Горький атындағы орталық мәдениет және демалыс саябағы маңында Абай атындағы Қазақ ұлттық педагогикалық университетінің студентеріне арналған жатақхана салынбайтын болды. Бұл туралы қалалық әкімдік мәлім етті, деп хабарлайды ҚазАқпарат тілшісі.

«Жатақхана салынбайтын болды. Құрылыс тоқтатылды. Біз басқа жер учаскесін қарастырып жатырмыз», - деді қала әкімінің орынбасары Ержан Бабақұмаров.

Өз кезегінде, қалалық жасыл экономика басқармасы Медеу ауданы Горький саябағындағы студенттерге арналған жатақхана құрылысы бойынша 1 наурызға жоспарланған қоғамдық тыңдаудың өтпейтінін хабарлады.

Бұған дейін, орталық саябақта 327 студентті баспанамен қамтитын жатақхана бой көтеретіні туралы айтылған болатын.

Қазіргі уақытта Абай атындағы ҚазҰПУ-де 13 мыңнан астам адам оқиды, оның ішінде 10 780 сырттан қатынайды. Жалпы, 3 мыңнан астам студент жатақханаға мұқтаж.


Жоғары қарай