Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

زەرتتەۋ: الما ەرتە ءولىم قاۋپىن تومەندەتەدى

2021 жылдың 27 шілде 2021 16:53

نۇر- سۇلتان. قازاقپارات - المانىڭ ادام دەنساۋلىعىنا پايداسى زور ەكەنى و باستان- اق بەلگىلى. ال باتىس اۆستراليا ۋنيۆەرسيتەتىنىڭ عالىمدارى المانىڭ تاعى ءبىر ەرەكشە قاسيەتىن اشتى. ولاردىڭ پايىمىنشا، كۇندەلىكتى الما جەپ وتىرعان ادامداردا ەرتە ءولىم قاۋپى 35 پايىزعا دەيىن ازايادى ەكەن.

ماماندار بۇنداي قورىتىندىنى 70 پەن 85 ارالىعىنداعى 1456 زەينەتكەردى 15 جىل بويى زەرتتەۋ بارىسىندا شىعاردى. عالىمدار قارتتاردىڭ كۇندەلىكتى قانداي جەمىس جەپ وتىراتىنىنا نازار اۋداردى. بەلگىلى بولعانداي، المانىڭ ايەلدەر دەنساۋلىعىنا اناعۇرلىم زور ىقپالى بار ەكەن.

عالىمدار ءوز زەرتتەۋىندە كۇنىنە كەم دەگەندە ءبىر المادان جەپ وتىرعان ايەلدەر ولاردى جەمەگەن ادامدارعا قاراعاندا ۇزاق ءومىر سۇرگەنى انىقتاعان.

«المانىڭ قۇرامىندا قان تامىرلارىن بوساڭسىتاتىن، وبىر اۋرۋىنىڭ الدىن الاتىن جاسۋشالار مەن فلاۆونيدتەر بار. سونداي- اق الما حولەستەرين مولشەرىن ازايتىپ، قان قىسىمىن رەتتەيدى»، - دەپ مالىمدەدى عالىمدار.


Басты сөздер: قوعام,
Жоғары қарай