Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ەلوردانىڭ ەكى تۇرعىنى كوشەدە ايەلدەردىڭ القالارىن جۇلىپ اكەتىپ وتىرعان

2021 жылдың 13 маусым 2021 12:02

نۇر- سۇلتان. قازاقپارات - نۇر- سۇلتان قالاسىنىڭ ءتارتىپ ساقشىلارى بىرنەشە مارتە ۇرلىق جاساعان ەكى ەر ادامدى ۇستادى. ولار كەشكى ۋاقىتتا ايەلدەردى اڭدىپ، التىن القالارىن جۇلىپ اكەتىپ وتىرعان، دەپ حابارلايدى قازاقپارات.

پوليتسيا دەپارتامەنتىنىڭ مالىمەتىنە سايكەس، قاراقشىلاردىڭ ءۇش قىلمىسقا قاتىسى بارى دالەلدەنگەن. قاسكويلەر كەزەكپە- كەزەك ارەكەت ەتىپ وتىرعان. ولار كوشەدە التىن القاسى بار ايەلدىڭ ارتىنان اڭدىپ، ۇرىمتال ساتتە اشەكەيدى مويىنىنان جۇلىپ اكەتىپ وتىرعان.

ماسەلەن، كەشكى ۋاقىتتا مولداعۇلوۆا كوشەسىندە 52 جاستاعى ايەلدىڭ التىن القاسى وسىنداي ارەكەتپەن ۇرلانعان. ايەل ەكى ەر ادام ارتىنان اڭدىپ كەلە جاتقانىن بايقاماعان. قىلمىسكەرلەردىڭ ءبىرى ونىڭ جانىنان ءوتىپ بارا جاتىپ، 240 مىڭ تەڭگە تۇراتىن التىن القاسىن جۇلىپ العان. ەكەۋى دە دەرەۋ بوي تاسالاعان.

زارداپ شەگۋشىلەردىڭ تاعى ءبىرى - ەلوردانىڭ 28 جاستاعى تۇرعىنى. ول كەشكى ۋاقىتتا جۇمىستان ۇيىنە قايتىپ بارا جاتقان. جۇبانوۆ كوشەسىنىڭ بويىندا وعان كەنەت ەر ادام شابۋىل جاساپ، موينىنداعى القاسىن الىپ كەتكەن. اباي- بەيسەكبايەۆ كوشەلەرىنىڭ قيىلىسىندا دا وسىعان ۇقساس قىلمىس جاسالعان.

ارىز بەرۋشى 38 جاستاعى ايەلدىڭ ايتۋىنشا، ساعات 21.00 شاماسىندا بەلگىسىز ەكى ەر ادام التىن القاسىن ءۇزىپ اكەتكەن. وقيعانى جاقىن ماڭدا ۆەلوسيپەدپەن كەتىپ بارا جاتقان جاس جىگىت كورىپ، دەرەۋ كومەككە ۇمتىلعان. ول ۆەلوسيپەدىن تاستاي سالىپ، ۇرىلاردىڭ ارتىنان جۇگىرگەن. ءبىراق قاراقشىلار قاشىپ ۇلگەرەدى. جاس جىگىتتىڭ باتىل ارەكەتى ۆيدەوباقىلاۋ كامەرالارىنا جازىلىپ قالعان. قىلمىسكەرلەر اقىرى پوليتسەيلەردىڭ قولىنا ءتۇستى.

«ولار استانانىڭ 24 جانە 32 جاستاعى تۇرعىندارى. ونىمەن قوسا، قاسكويلەر التىنداردى وزگە ادامنىڭ اتىنان وتكىزىپ جاتقانى جازىلعان ۆيدەو بار. «ۇرلىق» بابى بويىنشا قىلمىستىق ءىس قوزعالدى. كۇدىكتىلەر ۋاقىتشا ۇستاۋ اباقتىسىنا قامالدى»، - دەدى نۇر- سۇلتان قالالىق پوليتسيا دەپارتامەنتى كريمينالدىق پوليتسيا باسقارماسىنىڭ باستىعى دميتري دەميدوۆ.

Басты сөздер: قوعام,
Жоғары қарай