Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

تاڭعى شىقتا جالاڭاياق جۇرگىزۋ - بالانى شىنىقتىرۋدىڭ ەڭ ءتيىمدى جولى

2021 жылдың 14 маусым 2021 09:02

پەتروپاۆل. قازاقپارات - سولتۇستىك قازاقستان وبلىسىنىڭ سانيتارلىق دارىگەرلەرى بالانىڭ جازعى دەمالىسىن ءتيىمدى جانە دەنساۋلىققا پايدالى ۇيىمداستىرۋعا قاتىستى ءبىرقاتار كەڭەسىن بەردى، دەپ حابارلايدى قازاقپارات ءتىلشىسى.

س ق و سانيتاريالىق- ەپيدەميولوگيالىق باقىلاۋ دەپارتامەنتى ماماندارىنىڭ ايتۋىنشا، جازعى كانيكۋل - بار مۇمكىندىكتى پايدالانىپ، بالالاردى ساۋىقتىرۋدىڭ ەڭ قولايلى ۋاقىتى. مەكتەپ كەزىندە بالانىڭ قيمىل- قوزعالىسى ادەتەگىدەن%50 عا كەميدى. سوندىقتان، جازدا بالالار تازا اۋادا مۇمكىندىگىنشە ۇزاعىراق بولعانى دۇرىس. سەرۋەن، ويىن، دەنە شىنىقتىرۋ جاتتىعۋلارى - ەڭ جاقسى دەمالىس. جازدا بالانىڭ ويانۋ جانە ۇيىقتاۋ ۋاقىتتارى وقۋ جىلى مەرزىمىندەي نەمەسە ءسال- ءپال عانا اۋىتقۋى مۇمكىن.

«بالانىڭ تاماق راتسيونىندا كوكونىستەر مەن جەمىستەر، ءسۇت جانە ەت تاعامدارى جەتكىلىكتى مولشەردە بولۋى ءتيىس. جاز - دارۋمەندەر تاپشىلىعىنىڭ ورنىن تولىقتىرۋعا ەڭ قولايلى مەرزىم. ەڭ بولماسا 1 ايعا بالاڭىزدى جازعى ساۋىقتىرۋ ورىندارىندا، سوزىلمالى اۋرۋلارى بار بالالاردى شيپاجاي جاعدايىندا ساۋىقتىرعان ءتيىمدى»، - دەيدى سانيتار دارىگەرلەر.

مامانداردىڭ بىرنەشە ۇسىنىسى دا بار:

1) جازعى دەمالىستى بالالارمەن بىرگە جوسپارلاڭىز. سەرۋەن، ويىن، شىنىقتىرۋ مەن سپورت جاتتىعۋلارى تازا اۋادا بولۋى كەرەكتىگىن ەستە ساقتاڭىز! بالانى كومپيۋتەردەن الىس ۇستاڭىز، ءتىپتى بولماعاندا كومپيۋتەرمەن ويناۋ ۋاقىتىن قىسقارتىڭىز. 5 جاسقا دەيىنگى بالالار - 7 مينۋتتان، 6 جاستاعى بالالار - 10 مينۋتتان، باستاۋىش سىنىپتىڭ وقۋشىلارى - 20 مينۋتتان ارتىق كومپيۋتەردە وتىرماۋى كەرەك.

2) بالانىڭ دەنساۋلىعىن نىعايتۋعا قولجەتىمدى جانە ءتيىمدى شىنىقتىرۋ قۇرالدارىن - كۇن، اۋا جانە سۋدى مولىنان قولدانىڭىز. كۇن - ول جىلىلىق، جاقسى كوڭىل- كۇي، دەنساۋلىق. الايدا، كۇن ساۋلەسىن مولشەردەن ارتىق الۋعا بولمايدى. كۇن وتكەننەن باس اينالىپ، تىنىمسىزدانىپ كۇيگەلەكتەنۋ، تىنىس الۋ جانە جۇرەك- قان تامىرلار جۇيەسى بۇزىلۋى مۇمكىن. بالالارعا اشىق كۇن استىندا ادەيى قىزدىرىنۋعا بولمايدى. ولاردىڭ كوبى سۋعا شومىلىپ، سۋ جاعاسىندا قۇمدا ويناعاندى ۇناتادى. بۇل - شىنىقتىرۋدىڭ ەڭ ءتيىمدى جولى.

3) ساياجايدا نەمەسە اۋىلدا دەمالساڭىز، بالانى تاڭعى شىققا جالاڭاياق جۇگىرتىڭىز. شىقتىڭ اسەرىنەن تاباننىڭ تامىرلارىمەن بىرگە كەڭسىرىك ماڭى تامىرلارى تارىلىپ، كەڭەيەدى. وسىنىڭ ناتيجەسىندە قان اينالىم كۇشەيىپ، اۋرۋ قوزدىرعىش ۆيرۋستار مەن باكتەريالارعا بەرىك توسقاۋىل قويادى. شىقتا جالاڭاياق ءجۇرۋ مايتاباندىلىقتىڭ دا الدىن الادى.

«ءسوز سوڭىندا اتا- انالارعا ايتارىمىز، قاراپايىم گيگيەنالىق ەرەجەنى ساقتاڭىزدار! سوندا عانا دەمالىس بالاڭىزدىڭ دەنساۋلىعىن نىعايتادى جانە تۇزەتەدى»، - دەيدى سانيتار دارىگەرلەر.

Басты сөздер: قوعام,
Жоғары қарай