Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

انتاليادا ىسساپارمەن جۇرگەن قازاقستاندىق مەديتسينا ماماندارى ورتتەن زارداپ شەككەندەرگە كومەك كورسەتتى

2021 жылдың 30 шілде 2021 17:03

نۇر- سۇلتان. قازاقپارات - حالىقارالىق جازعى مەكتەپ اياسىندا تۇركيانىڭ انتاليا پروۆينتسياسىندا جۇرگەن استانا مەديتسينالىق ۋنيۆەرسيتەتىنىڭ ستۋدەنتتەرى مەن وقىتۋشىلارى ورتتەن زارداپ شەككەندەرگە كومەك كورسەتكەن، دەپ حابارلايدى قازاقپارات ءتىلشىسى.

بۇل تۋرالى استانا مەديتسينالىق ۋنيۆەرسيتەتىنىڭ باستاۋىش كاسىپوداق ۇيىمىنىڭ ءتوراعاسى ەرجان قۇسپايەۆ Facebook پاراقشاسىندا جازدى.

«تۇركيانىڭ كۋرورتتىق قالالارىندا، اسىرەسە انتاليانىڭ ماڭىندا ورمان ءورتى ءورشىپ تۇر، ادام شىعىنى بار. بۇل كۇندەرى ءبىز انتاليادا بولدىق. انتالياعا حالىقارالىق جازعى مەكتەپ اياسىندا بارعان استانا مەديتسينالىق ۋنيۆەرسيتەتىنىڭ بارشا ستۋدەنتتەرى مەن وقىتۋشىلارى گۋمانيتارلىق كومەك ورتالىعىنىڭ جۇمىسىنا اتسالىستى. ولار قولدان كەلگەنشە كومەك كورسەتىپ، ورتتەن زارداپ شەككەن تۇرعىندارعا ەلدىڭ تۇكپىر- تۇكىپىرىنەن اعىلىپ جاتقان ازىق- تۇلىك پەن سۋسىنداردى كولىكتەردەن ءتۇسىرىستى. گۋمانيتارلىق كومەك تيەگەن كاماز- دار ءبىر ساعاتتىڭ ىشىندە بوساپ، قايتا جولعا شىعىپ جاتتى. ءبىز قايىرىمدىلىق ىسكە قاتىسىپ، زارداپ شەككەندەرگە قانداي دا ءبىر كومەك كورسەتە العانىمىزعا قۋانىشتىمىز»، - دەپ جازدى ۋنيۆەرسيتەت وكىلى.





تۇركياداعى توتەنشە وقيعاعا قازاقستاندىقتاردىڭ قانشالىقتى الاڭداپ وتىرعانىن وسى پوستىڭ استىنا جازىلىپ جاتقان پىكىرلەردەن كورۋگە بولادى. جەلى قولدانۋشىلارىنىڭ ءبىرى قازىر سونداعى احۋال قانداي ەكەنىن سۇراسا، تاعى ءبىر توپ قولدانۋشىلار سىن ساعاتتا كومەككە ۇمتىلعان ەلگەزەك وتانداستارىنا قولداۋ ءبىلدىرىپ، العىس ايتۋدا.

ەسكە سالساق، تۇرىك رەسپۋبليكاسىنداعى توتەنشە جانە وكىلەتتى ەلشىسى ابزال ساپاربەك ۇلى Facebook-تەگى پاراقشاسىندا انتاليا پروۆينتسياسىنداعى الاپات ورتتەن زارداپ شەككەندەر اراسىندا قازاقستان ازاماتتارى جوق ەكەنىن جازعان بولاتىن.

رەسمي مالىمەت بويىنشا 28 -شىلدەدە تۇتانعان ورمان ورتىنەن 3 ادام كوز جۇمعان. جالپى ءتىلسىز جاۋدان زارداپ شەككەن 122 ادامنىڭ 58- ءى اۋرۋحاناعا جەتكىزىلگەن.

اۆتور: ەسىمجان ناقتىباي












Басты сөздер: الةم,
Жоғары қарай