Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

سەرىك ساپيەۆ وليمپياداداعى بوكسشىلاردىڭ ونەرىنە ءوز باعاسىن بەردى

2021 жылдың 5 тамыз 2021 21:34

نۇر- سۇلتان. قازاقپارات – ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ توكيو وليمپياداسىندا ەل نامىسىن قورعاعان بوكسشىلاردىڭ ونەرىنە باعاسىن بەردى، دەپ حابارلايدى قازاقپارات ءتىلشىسى.

«بوكس بويىنشا التىن مەدال بولماعاندىقتان جاعدايدى ناشار دەر ەدىم. بۇعان دەيىن وليمپيادا ويىندارىندا التىن جۇلدە بولاتىن. جالپى تورەلىك بارىنشا وبەكتيۆتى تۇردە بولدى دەپ ايتا الامىن. دەگەنمەن بۇگىنگى جارتىلاي فينالدا مەن بيبوسىنوۆ جەڭدى دەپ بىلەمىن. ءبىرىنشى راۋندتا سوققىنى جىبەرىپ العاندىقتان، تورەشىلەردىڭ ءبارى بىردەي ۇپايدى ساكەننىڭ قارسىلاسى بولعان اعىلشىن بوكسشىسىنا بەردى. ال ەكىنشى راۋندتا 2:3 ەسەبىمەن ءبىزدىڭ سپورتشى باسىم ءتۇستى. ءۇشىنشى راۋندتا تورەشى 3:2 ۇپايمەن جەڭىستى بيبوسىنوۆقا بەردى. تورەشىلەر ءادىل باعا بەردى مە، جاۋاپتى سولاردىڭ ار- ۇياتىنا قالدىردىق، جەكە مەنىڭ ويىم - ساكەن جەڭدى. ونىڭ «التىن» الۋ مۇمكىندىگى بار ەدى»، - دەدى سەرىك ساپيەۆ ورتالىق كوممۋنيكالار قىزمەتىندە ونلاين وتكەن باسپا ءسوز ءماسليحاتىندا.

ونىڭ ايتۋىنشا، توكيو وليمپيادا ويىندارىندا بوكسشىلار جوعارى ونەر كورسەتە المادى.

«باسقا بوكسشىلاردىڭ دا ناتيجەسى ءماز ەمەس، كەيبىر سپورتشىلار ءتيىستى دەڭگەيدەگى دايىندىقپەن كەلمەدى. جالپى بوكسشىلار وليمپيادادا «التىن» الماعاندىقتان كورسەتكىش ناشار دەپ ەسەپتەيمىن»، - دەيدى ول.

Басты сөздер: سپورت,
Жоғары қарай