Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

نۇر-سۇلتاندا جاستارعا ارنالعان قىزمەت كورسەتۋ ورتالىقتارى اشىلادى

2021 жылдың 20 қыркүйек 2021 19:38

نۇر-سۇلتان. قازاقپارات - بيىل جىل سوڭىنا دەيىن ەلوردادا جاستارعا ارنالعان 3 ورتالىق ىسكە قوسىلادى.

بۇل تۋرالى نۇر-سۇلتان قالاسى اكىمدىگى «استانا جاستارى» ورتالىعى باسشىسىنىڭ ورىنباسارى ايان ەرمەنتايەۆ ءمالىم ەتتى، دەپ حابارلايدى قازاقپارات ءتىلشىسى.




«بيىل ماۋسىمدا اشىلعان جاستارعا قىزمەت كورسەتۋ ورتالىعى ازىرگە قالا بويىنشا بىرەۋ عانا. ەلوردادا تۇراتىن حالىقتىڭ سانىن ەسكەرە وتىرىپ، بيىل جىلدىڭ سوڭىنا دەيىن ەلوردانىڭ بارلىق اۋداندارىندا اتالعان ورتالىقتى اشۋ جوسپارى بار. ياعني قازىر تەك سارىارقا اۋدانىندا بولسا، جىل سوڭىنا دەيىن قالعان 4 اۋداندا جاستارعا قىزمەت كورسەتۋ ورتالىعى اشىلادى. جىلدىڭ سوڭىنا دەيىن 5 مىڭعا جۋىق جاستىڭ ماسەلەسىن قاراپ، ءتيىستى كەڭەس، نۇسقاۋلىق بەرۋ جوسپاردا بار. جانە بۇل بىرمەزەتتىك شارۋا ەمەس، الداعى ۋاقىتتا ودان ءارى جەتىلدىرىپ، ورتالىق قىزمەتى جاندانا تۇسەدى»، - دەدى ايان ەرمەنتايەۆ.




ونىڭ ايتۋىنشا، اتالعان ورتالىقتار ەسىل، الماتى جانە بايقوڭىر اۋدانى اۋماعىندا اشىلماق.

«ءبىز جاستارعا بىرنەشە باعىت بويىنشا كەڭەس بەرەمىز. اتاپ ايتقاندا، جۇمىسقا ورنالاسۋ، كاسىپتىك باعدار بەرۋ، اۋلا كلۋبتارىن دامىتۋ، قۇقىقتىق كەڭەس بەرۋ جانە جاستار اراسىندا ەرىكتىلەر قوزعالىسىن دامىتۋ. كۇن سايىن قالامىزدا جۇزدەگەن ادام جۇمىس ىزدەيدى، سونىڭ ۇشتەن ءبىرى 20-29 جاس ارالىعىنداعى جاستار. وسى ورايدا ءبىزدىڭ ورتالىق جاستارعا لايىقتى جۇمىس تاۋىپ، تاجىريبە جيناۋىنا جاردەمدەسەدى. سونداي- اق، اپتا سايىن جاستارعا ارنالعان تەگىن ترەنينگتەر وتەدى. ونداعى ماقسات - جاستار جۇمىسقا ورنالاسۋدا نەمەسە ءوز يدەياسىن جۇزەگە اسىرۋدا كەزدەسەتىن كەدەرگىلەردى ەڭسەرۋ، جەكە داعدىلاردى قالىپتاستىرىپ، كوپشىلىكپەن وڭاي ءتىل تابىسۋعا ۇيرەتۋ»، - دەيدى ەلورداداعى جاستارعا ارنالعان قىزمەت كورسەتۋ ورتالىعىنىڭ قىزمەتكەرى انار بالتابايەۆا.




بۇعان دەيىن ەلوردادا العاش رەت اشىلعان جاستارعا ارنالعان قىزمەت كورسەتۋ ورتالىعىنىڭ قىزمەتىمەن تانىستىرعان ەدىك.

Басты сөздер: قوعام,
Жоғары қарай