Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قۇرلىق اسكەرلەرىنىڭ جاۋىنگەرلىك ازىرلىگى تەكسەرىلۋدە

2021 жылдың 20 қыркүйек 2021 22:13

نۇر-سۇلتان. قازاقپارات - قۇرلىق اسكەرلەرى ءبىرقاتار جاۋىنگەرلىك وقۋ-جاتتىعۋ تاپسىرمالارىن ورىندادى.

اسكەرلەردىڭ جاۋىنگەرلىك ازىرلىگى، اسكەري قىزمەتشىلەردىڭ جاڭا جاعدايدا، بەيتانىس جەردە ارەكەت ەتۋ قابىلەتى تەكسەرىلەدى، دەپ حابارلايدى ق ر ق م باسپا ءسوز قىزمەتى.

اقتاۋ ماڭىنداعى «ويماشا» پوليگونىندا بولىمشەلەر مەن بولىمدەر ارنايى اسكەري وپەراتسيا وتكىزدى.

تاپسىرمالاردى ورىنداۋ كەزىندە اسكەرلەردى باسقارۋ ماسەلەلەرى پىسىقتالىپ، جاۋىنگەرلىك ءىس-قيمىلداردى جۇرگىزۋدىڭ جاڭا تۇرلەرى مەن ادىستەرى قولدانىلدى.




الماتى وبلىسىنداعى «كوكتال» تاۋ پوليگونىندا شارتتى زاڭسىز قارۋلانعان قۇرامالار جويىلدى.

دەسانتتىق-شابۋىلداۋ اسكەرلەرى قولباسشىسىنىڭ باسشىلىعىمەن تاۋ جوتالارىنىڭ جەتۋى قيىن ۋچاسكەلەرىندە بارلاۋ-ىزدەستىرۋ ءىس-قيمىلدارى جۇرگىزىلدى.

دەسانتشىلار شەكارا قىزمەتىنىڭ بولىمشەلەرىمەن بىرلەسىپ، سودىرلاردىڭ جارۋى ىقتيمال باعىتتارى بويىنشا مەملەكەتتىك شەكارانى كۇزەتۋدى كۇشەيتتى.

ت ج م، ىشكى ىستەر جانە ۇلتتىق قاۋىپسىزدىك ورگاندارىمەن ءوزارا ءىس-قيمىلدا بوسقىندار لاگەرلەرى اشىلىپ، قاجەتتى ينفراقۇرىلىم قۇرىلدى. شىعىس قازاقستانداعى «شىعىس» پوليگونىندا كۇشەيتىلگەن مەحانيكالاندىرىلعان بريگادا مانيەۆرلىك قورعانىستى جۇرگىزۋ، سونداي-اق بولىمشەلەردى قورشاۋدان شىعارۋ تاپسىرمالارىن ورىندادى.

اۋە قارسىلاسىنىڭ سوققىلارىن تويتارۋعا، بۇركەمەلەۋگە، ۇيىمداسقان تۇردە جوسپارلانعان قورعانىس شەپتەرىنە ورىن اۋىستىرۋعا، قارسىلاستىڭ اينالىپ وتەتىن جانە رەيدتىك جاساقتارىن جويۋعا ەرەكشە نازار اۋدارىلدى.

قىزىلوردا وبلىسىنداعى «تەرەڭوزەك» پوليگونىندا بارلاۋشىلار قارسىلاستىڭ وبەكتىلەرىن انىقتاۋ جانە ەلدىمەكەن ماڭىندا سودىرلاردى جويۋ كەزىندە اۆياتسيا سوققىلارىن جانە ارتيللەريا اتىسىن دالدەپ تۇزەتۋ ماسەلەلەرىن پىسىقتادى.




تىكۇشاقتاردىڭ كومەگىمەن بارلاۋ توپتارى شارتتى قارسىلاستىڭ تىلىنا قوندى. بارلاۋشىلاردى قاۋىپسىز جەرلەرگە كوشىرۋ شارالارى دا قاتار ۇيىمداستىرىلدى.

تاجىريبە كورسەتكەندەي، جاۋىنگەرلىك وقۋ-جاتتىعۋ تاپسىرمالارىن ورىنداۋ ساپاسى كومانديرلەردىڭ قىسقا مەرزىمدە نەعۇرلىم وڭتايلى شەشىم قابىلداۋ قابىلەتىنە بايلانىستى.




قارۋلى كۇشتەردىڭ باس شتابى كوماندالىق قۇرام مەن اسكەرلەردىڭ دايارلىق دەڭگەيىن باعالايدى.

اسكەرلەردى قاۋىرت تەكسەرۋ 23- قىركۇيەككە دەيىن جالعاسادى. بۇعان 9 مىڭعا جۋىق جەكە قۇرام، 3 مىڭنان استام قارۋ-جاراق پەن اسكەري تەحنيكا، ونىڭ ىشىندە 66 ۇشۋ اپپاراتى مەن 8 كورابل قاتىسادى.

Басты сөздер: قوعام,
Жоғары қарай