Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

اۋعانستاندى جوقشىلىق جايلادى

2021 жылдың 21 қыркүйек 2021 08:02

نۇر-سۇلتان.قازاقپارات - اۋعانستاننىڭ ەكونوميكالىق احۋالى ۋشىعىپ بارادى، دەپ حابارلايدى «حابار 24». اۋعان حالقى گۋمانيتارلىق قولداۋعا مۇقتاج.

ب ۇ ۇ- نىڭ مالىمەتىنشە، بۇگىندە اۋعانستاندا ميلليونداعان تۇرعىن كومەككە ءزارۋ. تۇرمىسقا قاجەت تاۋارلار مەن ازىق تاپشى. تاليبان اۋعانستاندى باسىپ العالى جارتى ميلليونداي تۇرعىن ەل ىشىندە بوسقىنعا اينالعان. وسىعان بايلانىستى ب ۇ ۇ- عا مۇشە مەملەكەتتەر وتكەن اپتادا اۋعانستانعا گۋمانيتارلىق كومەك رەتىندە 1 ميلليارد دوللاردان اسا قاراجات بولۋگە ۋادە بەردى.

بيبي گۋل، كابۋل تۇرعىنى:

- ءبارىن تاستاپ، كوشۋگە ءماجبۇر بولدىق. قازىرگى جاعدايىمىز وتە ناشار. بالالارىمىزدىڭ كيەر كيىمى، ىشەر اسى جوق. اش قالماۋ ءۇشىن كوشەدەگى پلاستيكتەردى تەرىپ، سودان تۇسكەن اقشاعا تاماق ساتىپ الامىز.

قازىر اۋعانستان داعدارىستى كۇيدە، ەكونوميكاسى ءىلىنىپ- سالىنىپ ارەڭ تۇر. تالىپتەردىڭ بيلىككە كەلگەنىنە ءبىر ايدان استام ۋاقىت وتسە دە، جۇرتتىڭ جاعدايى جاقسارا قويماعان. ءبارى امان قالۋدىڭ امالىن ىزدەپ الەك. كوبى بازارعا شىعىپ، ۇيىندەگى زاتىن ساۋداعا قويعان. ءبىراق ساتىپ الۋشىلار جوقتىڭ قاسى.

كابۋل تۇرعىنى:

- اشراف عانيدىڭ ۇكىمەتى كەزىندە كۇنىنە 1000-1500 افگانيدان تاباتىنبىز. ال قازىر جۇمىسقا تۇرۋ مۇمكىندىگى دە جوق. جاڭا ۇكىمەت كەلگەلى جاعدايىمىز تىم ناشارلاپ كەتتى.

قازىر اۋعان قىزدارىنىڭ بولاشاعى دا بۇلىڭعىر بولىپ تۇر. ويتكەنى ولار مەكتەپكە بارا المايدى. ۇكىمەتتىڭ شەشىمى بويىنشا، تەك ۇل بالالاردىڭ وقۋىنا رۇقسات ەتىلگەن. ال مۇعالىمدەر قاتارىندا تەك ەر ادامدار بولۋى شارت. وسىعان بايلانىستى ءبىر توپ اۋعان ايەلى نارازىلىق تانىتىپ كوشەگە شىقتى.

كابۋل تۇرعىنى:

- مەكتەپتەردە تەك ۇلداردىڭ ساباق وقۋىنا رۇقسات ەتەتىن شەشىمگە نارازىلىق تانىتۋ ءۇشىن ءبىز بۇگىن وسىندا كەلىپ تۇرمىز. تاليبان قىز بالالاردىڭ ءبىلىم الۋىنا كەدەرگى كەلتىردى. ايەل ادامداردىڭ ءبىلىم الۋىنا نە ءۇشىن تىيىم سالىنادى؟

جالپى، اۋعان ايەلدەرىنىڭ قوعامداعى ءرولى قانداي بولارى ازىرگە ناقتى بەلگىسىز. ماسەلەن، كەشە عانا تالىپتەر كابۋل اكىمشىلىگىندە ەڭبەك ەتەتىن ايەلدەردىڭ جۇمىسقا شىعۋىن شەكتەدى. قىزمەتتەگى ايەلدەردىڭ ورنىنا ەر ادام تابىلسا، قىز- كەلىنشەكتەر ۇيدە وتىرۋى ءتيىس. ءبىراق بۇل شارا ۋاقىتشا، دەيدى شاھار باسشىسى. رەسمي دەرەك بويىنشا، بۇگىندە كابۋل اكىمشىلىگىندە 1 مىڭعا جۋىق ايەل ادام ەڭبەك ەتەدى.


Басты сөздер: الةم,
Жоғары қарай