Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ق ر پرەزيدەنتى ەۋروپالىق قايتا قۇرۋ جانە دامۋ بانكىنىڭ پرەزيدەنتىمەن كەزدەستى - فوتو

2021 жылдың 22 қыркүйек 2021 14:15

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن كەزدەستى كەزدەسۋ بارىسىندا ەۋروپالىق قايتا قۇرۋ جانە دامۋ بانكىنىڭ قازاقستاندا اتقارعان جۇمىستارىنىڭ ناتيجەلەرى مەن ىنتىماقتاستىقتى ودان ءارى نىعايتۋدىڭ باسىمدىقتارى تالقىلاندى.

قاسىم-جومارت توقايەۆ وديل رەنو-باسسوعا ءىلتيپات ءبىلدىرىپ، اقپان ايىندا ونلاين رەجيمدە وتكىزگەن كەزدەسۋدە ءوزارا جەمىستى اڭگىمە وربىتكەنىن، الايدا ونىڭ قازاقستان مەن ە ق د ب اراسىنداعى ىنتىماقتاستىق ماسەلەلەرى جونىندە وي- پىكىر الماسۋعا مۇمكىندىك بەرەتىن بەتپە-بەت جۇزدەسۋدەي بولمايتىنىن اتاپ ءوتتى.





«ەۋروپالىق قايتا قۇرۋ جانە دامۋ بانكى - قازاقستاننىڭ ستراتەگيالىق سەرىكتەسى. ىنتىماقتاستىق ورناتقان ۋاقىتتان بەرى ءسىزدىڭ بانك ءبىزدىڭ ەكونوميكامىزعا 8 ميلليارد ەۆرودان استام ينۆەستيتسيا سالىپ، 300-گە جۋىق جوبا جۇزەگە اسىرىلدى. جالپى بانكتىڭ ءارتۇرلى سالالاردى، اسىرەسە جاڭارتىلاتىن قۋات كوزدەرى سەكتورىن بەلسەندى قارجىلاندىرعانىن بىلەمىز. جاڭارتىلاتىن قۋات كوزدەرى سالاسىنداعى ىنتىماقتاستىقتى جالعاستىرامىز دەپ سەنەمىز، سونداي-اق اگروونەركاسىپ كەشەنى باعىتىنداعى جوبالاردى دا جۇزەگە اسىرۋ اسا ماڭىزدى»، - دەدى مەملەكەت باسشىسى.











سونىمەن قاتار كەزدەسۋدە كوروناۆيرۋس پاندەمياسى، قارجى جانە تاۋار نارىقتارىنداعى تۇراقسىزدىق سياقتى پروبلەمالاردى قامتيتىن الەمدىك ەكونوميكانىڭ دامۋىنا قاتىستى اۋقىمدى ماسەلەلەر قاراستىرىلدى.

ە ق د ب پرەزيدەنتى وديل رەنو-باسسو الەمدىك ەكونوميكانىڭ دامۋى مەن قازاقستانداعى ەكونوميكالىق ءوسىم تۋرالى ءوز بولجامىمەن ءبولىستى.


Басты сөздер: ئقپالداستئق, الةم,
Жоғары қарай