Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قاراعاندى وبلىسىنان كولىك ۇرلاعان كۇدىكتى ەلوردادا پوليتسەيدى قاعىپ كەتتى

2021 жылдың 26 қыркүйек 2021 10:32

نۇر-سۇلتان. قازاقپارات - قاراعاندى وبلىسىنىڭ جاڭارقا ەلدى مەكەنىنەن كولىك «ميتتسۋبيسي» ماركالى كولىكتى ۇرلاپ، ايداپ كەتكەن كۇدىكتى ەلوردادا ۇستالدى.

بۇل تۋرالى نۇر-سۇلتان قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.




«25- قىركۇيەك كۇنى ساعات 13:55 تە 102 نومىرىنە قاراعاندى وبلىسىنىڭ جاڭارقا ەلدى مەكەنىنەن تاڭعى ساعات 05:00 دە «ميتتسۋبيسي» ماركالى اۆتوموبيلدى ايداپ كەتكەنى تۋرالى باعىتتاما ءتۇستى.




قابىلدانعان ءىس-شارالاردىڭ ارقاسىندا اتالعان كولىك ەلوردا اۋماعىندا بايقالدى. اۆتوپاترۋلدەرگە كولىك ۇرىسىن ۇستاۋ تۋرالى اقپارات جەدەل تاراتىلدى.




جۇرگىزۋشى پوليتسيا قىزمەتكەرلەرىنىڭ «توقتا» دەگەن زاڭدى تالابىنا باعىنباي، ازاماتتاردىڭ ءومىرى مەن دەنساۋلىعىنا قاۋىپ توندىرە وتىرىپ، جول ءجۇرىسى ەرەجەسىن ورەسكەل بۇزدى»، - دەپ اتاپ وتەدى دەپارتامەنتتەن.




ۆەدومستۆو مالىمەتىنشە، پوليتسيا قىزمەتكەرلەرى كۇدىكتى كولىكتى تاشەنوۆ كوشەسى بويىندا قورشاۋعا العان. ءبىراق، ۇرلانعان كولىكتىڭ رولىندە وتىرعان كۇدىكتى ارتقا ءجۇرىپ، پوليتسيا قىزمەتكەرىن قاعىپ كەتكەن. پوليتسيا قىزمەتكەرى دەنە جاراقاتىمەن اۋرۋحاناعا جەتكىزىلگەن.




«22 جاستاعى قۇقىق بۇزۋشى ۇستالىپ، ۋاقىتشا وقشاۋلاعىشقا قامالدى. تەرگەۋ امالدارى جۇرگىزىلىپ جاتىر. كولىكتى ايداپ اكەتۋمەن قاتار كۇدىكتىڭ ۇستىنەن ق ر ق ك 380-بابى 3-تارماعىمەن قىلمىستىق ءىس قوزعالدى»، - دەدى قالالىق پوليتسيا دەپارتامەنتىنەن.

Басты сөздер: قوعام,
Жоғары қарай