Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

استانا ىرگەسىندەگى قوسشى قالاسىندا جاڭا مەكتەپتەر قاشان اشىلادى؟

2021 жылдың 5 қазан 2021 19:14

نۇر-سۇلتان. قازاقپارات - اقمولا وبلىسىنىڭ قوسشى قالاسىندا ءۇش جاڭا مەكتەپ سالىنىپ جاتىر.

ءبىلىم سالاسىنا جاۋاپتى جەرگىلىكتى مامانداردىڭ ايتۋىنشا، وسىنىڭ ارقاسىندا 2023-جىلى 3 اۋىسىممەن ءبىلىم بەرەتىن نىسانداردىڭ پروبلەماسى شەشىلەدى، دەپ حابارلايدى قازاقپارات ءتىلشىسى.

الەۋمەتتىك جەلىدە اۋىسىم كەزىندە مەكتەپكە بالالار سىيماي قالاتىنى تۋرالى ۆيدەو تاراعان بولاتىن.

سالاعا جاۋاپتى سەلينوگراد اۋدانى ءبىلىم ءبولىمىنىڭ ماماندارى وسى جاعدايعا قاتىستى تۇسىنىكتەمە بەردى.

«قالا بويىنشا ءارقايسى 1200 ورىندىق ءۇش مەكتەپ سالىنىپ جاتىر. ولاردىڭ بىرەۋى بيىل جەلتوقساندا سالىنىپ بىتەدى دەپ جوسپارلانۋدا. ەكىنشىسى «قوسشى-2» دە، ياعني «لەسنايا پوليانادا» كەلەسى جىلى تامىز-قىركۇيەك ايلارىندا دايىن بولادى. ال ءۇشىنشى مەكتەپ 2023-جىلى اياقتالادى. سوندا قالانىڭ دامۋ جوسپارى بويىنشا 2023-جىلى قازىرگىنىڭ ۇستىنە 3600 جاڭا ورىن اشىلادى»، - دەيدى سەلينوگراد اۋداندىق ءبىلىم ءبولىمى ادىستەمەلىك كابينەتىنىڭ مەڭگەرۋشىسى مايرا بايبولاتوۆا.

ماماننىڭ ايتۋىنا قاراعاندا، Instagram-دا تاراعان ۆيدەودا ەكى اۋىسىم وقۋشىلارىنىڭ قاربالاسى ءتۇسىپ قالعان.

«جوعارىداعى ۆيدەوعا كەلسەك، ول 1№ مەكتەپتە تۇسىرىلگەنى ءمالىم. بۇل مەكتەپتە جالپى ەكى عيمارات بولسا، ءبىرىنشىسى 436 ورىنعا، ەكىنشىسى 850 ورىنعا شاقتالعان. جيىنى 2347 بالا ءۇش اۋىسىممەن ءبىلىم الادى. وسىنداي بالالار اۋىسىمى كەزىندە قاربالاس بولعان»، - دەپ جاۋاپ بەردى.

ەسكە سالا كەتەيىك، قوسشىداعى 2№ مەكتەپتىڭ ءبىرىنشى سىنىبىنا بيىل 635 بالا كەلگەن. مۇندا قونىستانۋشى تۇرعىندار سانى جىلدان جىلعا ارتىپ كەلەدى. سول سەبەپتى قوسشىعا بيىل وبلىستىق دەڭگەيدەگى ماڭىزى بار قالا ستاتۋسى بەرىلگەن بولاتىن.

Басты сөздер: ايماق, ءبىلىم جانە عىلىم,
Жоғары қарай