Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قامشىبەك قوڭقابايەۆ الەم چەمپيوناتىنىڭ ورنىنا كاسىپقويدا جەكپە-جەككە شىعادى

2021 жылдың 15 қазан 2021 20:32

نۇر-سۇلتان. قازاقپارات - بوكستان قازاقستان قۇراماسىنىڭ كاپيتانى قامشىبەك قوڭقابايەۆ كاسىپقويداعى جەكپە-جەگىنە دايىندىقتى باستادى، دەپ حابارلايدى Vesti.kz.

ول جىل سوڭى الماتىدا وتەتىن ايقاسىنا دايىندالۋ ءۇشىن ماسكەۋگە اتتاندى.

«كۇندەردىڭ سۇلتانى جۇما مۇباراك بولسىن بارشامىزعا. بۇيىرسا جىل سوڭىندا الماتى قالاسىندا وتەتىن كەزەكتى جەكپە-جەگىمە دايىندىقتى ماسكەۋ قالاسىندا پىسىقتايتىن بولامىن. اللا ساپارىمدى ءساتتى ەتىپ، ويداعىداي جاقسى دايىندىقپەن كەلىپ، سىزدەرگە جارقىن جەڭىس سىيلاۋدى ءناسىپ ەتسىن. اماندىقتا جۇزدەسكەنشە»، - دەپ جازىپتى قامشىبەك Instagram جەلىسىندە.

ايتا كەتەيىك، بۇل ۋاقىتتا بوكستان قازاقستان قۇراماسى ون كۇننەن كەيىن سەربيا استاناسى بەلگرادتا باستالاتىن الەم چەمپيوناتىنا دايىندالۋدا. قوڭقابايەۆ جاتتىعۋ جيىندارىنا قاتىسادى دەپ جوسپارلانعان ەدى، الايدا، ول باپكەرلەر شتابىنا جيىنعا كەلمەيتىنىن ەسكەرتىپتى.

Басты сөздер: سپورت,
Жоғары қарай