Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قىزىلوردادا جاسىرىن ۋاعىز جۇرگىزگەن ءدىني ەكسترەميستىك ۇيىم بەلسەندىسى سوتتالدى

2021 жылдың 20 қазан 2021 10:04

قىزىلوردا. قازاقپارات - قىزىلوردادا قالا اۋماعىندا جاسىرىن ۋاعىزدار جۇرگىزگەن ءدىني ەكسترەميستىك ۇيىم بەلسەندىسى سوتتالدى، دەپ حابارلايدى قازاقپارات ءتىلشىسى.

بۇل ماقساتتا قىزىلوردا وبلىسى پوليسيا دەپارتامەنتى جانە ۇلتتىق قاۋىپسىزدىك دەپارتامەنتىنىڭ قىزمەتكەرلەرى جەدەل ىزدەستىرۋ ءىس- شارالارىن جۇرگىزگەن بولاتىن. ناتيجەسىندە «تابليعي جاماعات» ءدىني ەكسترەميستىك ۇيىمىن جاقتايتىن 48 جاستاعى وبلىس تۇرعىنى قولعا ءتۇستى. اتالعان ازاماتتىڭ تىيىم سالىنعان ءدىني ەكسترەميستىك ۇيىمىنىڭ شارتتارى مەن داستۇرلەرىن ۇستاناتىنى انىقتالدى. ونىڭ قىزمەتىن ۇيىمداستىرىپ، ءدىني الاۋىزدىقتى قوزدىراتىن جانە ءدىني ەكسترەميستىك دەپ تانىلاتىن اقپاراتتاردى ناسيحاتتاعان. ءدىني ەكسترەميستىك ۇيىم جيىندارىن قالا اۋماعىندا ۇيىمداستىرىپ، جاسىرىن ۋاعىزدار جۇرگىزگەن.

«ارنايى ءىس- شارالار ماتەريالدارىن تالداۋ بارىسىندا، بۇل ازاماتتىڭ ءىس- ارەكەتىندە قۇقىق بۇزۋشىلىق بەلگىلەرى بايقالعان. وعان قاتىستى ق ر قىلمىستىق كودەكسىنىڭ 405-بابىنىڭ 1-بولىگىمەن سوتقا دەيىنگى تەرگەپ - تەكسەرۋ جۇمىستارى جۇرگىزىلدى. وندا قوعامدىق نەمەسە ءدىني بىرلەستىككە نە وزگە دە ۇيىمعا قاتىستى ولاردىڭ ەكسترەميزمدى نەمەسە تەرروريزمدى جۇزەگە اسىرۋىنا بايلانىستى قىزمەتىنە تىيىم سالۋ نەمەسە تاراتۋ زاڭدى كۇشىنە ەنگەن سوت شەشىمى بولا تۇرا، ولاردىڭ قىزمەتىن ۇيىمداستىرۋ جاعدايى كورسەتىلگەن»، - دەپ ءمالىم ەتتى قىزىلوردا قالالىق پوليسيا دەپارتامەنتىنەن.

ۆەدومستۆو مالىمەتىنشە، قىزىلوردا قالالىق سوتىنىڭ ۇكىمىمەن اتالعان ازاماتتىڭ 3 جىل 6 اي مەرزىمگە باس بوستاندىعى شەكتەلدى. ول پروباتسيالىق باقىلاۋعا الىندى. ەسكە سالساق، بۇدان بۇرىن قىزىلوردادا جاسوسپىرىمدەر اراسىندا جاپپاي توبەلەس بولدى.

Басты сөздер: ايماق,
Жоғары қарай