Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ەربولات دوسايەۆ الداعى جىلدارى قۇنسىزدانۋ دەڭگەيى تومەندەيتىنىن ايتتى

2021 жылдың 20 қазан 2021 12:39

نۇر-سۇلتان. قازاقپارات - ۇلتتىق بانك باعا تۇراقتىلىعىن قامتاماسىز ەتۋگە باعىتتالعان ساياساتتى جالعاستىرادى.

بۇل تۋرالى ءماجىلىستىڭ جالپى وتىرىسىندا ۇلتتىق بانك ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.

«ۇلتتىق بانك ەكونوميكاداعى سۇرانىستىڭ وسۋىنە جاۋاپ رەتىندە دەزينفلياتسيالىق اقشا- كرەديت ساياساتىن جۇرگىزۋ اياسىندا شىلدەدە جانە قىركۇيەكتە بازالىق ستاۆكانى 9 پايىزدان 9,5 پايىزعا دەيىن ەكى رەت كوتەردى. سۇرانىس تاراپىنان ينفلياتسياعا قارسى قىسىم بيىلعى 8 ايدا تۇتىنۋ تاۋارلارى يمپورتىنىڭ 24 پايىزعا وسۋىمەن راستالادى. وسى جاعدايلاردا ۇلتتىق بانك باعا تۇراقتىلىعىن قامتاماسىز ەتۋگە باعىتتالعان ساياساتتى جالعاستىرادى»، - دەدى ە. دوسايەۆ.

ونىڭ پايىمىنشا، ۇكىمەتتىڭ جانە اكىمدىكتەردىڭ ينفلياتسياعا قارسى دەن قويۋ شارالارىنىڭ كەشەنىن ءتيىمدى ىسكە اسىرۋى بيىلعى ينفلياتسيانى تەجەۋگە جانە مەملەكەت باسشىسىنىڭ تاپسىرماسى بويىنشا 2022 -جىلى 4-6 پايىز نىسانالى دالىزىنە كىرۋگە مۇمكىندىك بەرەدى. 2022-2026 -جىلدارعا ارنالعان الەۋمەتتىك- ەكونوميكالىق دامۋ بولجامىنا سايكەس، ينفلياتسيانىڭ بۇدان كەيىن تومەندەۋى جانە 2023-2024 -جىلدارى 4-5 پايىز جانە 2025-2026 -جىلدارى 3-4 پايىز دەڭگەيىندە تۇراقتانۋى بولادى.

«بۇل ءۇشىن ۇكىمەتتىڭ قازىرگى جەدەل شارالارىمەن قاتار، ەكونوميكانى ودان ءارى ءارتاراپتاندىرۋ جانە ونىڭ يمپورتقا تاۋەلدىلىگىن تومەندەتۋ بويىنشا جۇيەلى جۇمىسىن جانداندىرۋ ماڭىزدى. مەملەكەت باسشىسىنىڭ تاپسىرماسى بويىنشا 2022 -جىلدان باستاپ ەنگىزىلەتىن كونترتسيكلدىق بيۋدجەت قاعيداسى مەملەكەتتىك شىعىستاردىڭ ءوسۋ قارقىنىن شەكتەۋگە مۇمكىندىك بەرەدى، سول ارقىلى مەملەكەتتىك قارجىنىڭ تۇراقتىلىعىن قامتاماسىز ەتەدى جانە ينفلياتسيالىق قىسىمدى تومەندەتەدى»، - دەدى ۇ ب باسشىسى.

ايتا كەتەيىك، ە. دوسايەۆ جالپى وتىرىستا ەلىمىزدە ينفلياتسيانىڭ ءوسۋىنىڭ نەگىزگى سەبەپتەرىن ايتتى. بۇدان بۇرىن حابارلانعانداي، ءماجىلىستىڭ جالپى وتىرىسىندا ق ر ۇلتتىق ەكونوميكا ءمينيسترى اسەت ەرعاليەۆ 2022 -جىلى بيۋدجەت تاپشىلىعى جالپى ىشكى ونىمگە قاتىستى 3,3 پايىز دەڭگەيىندە بولجانىپ وتىرعانىن ايتتى.



اۆتور: رۋسلان عابباسوۆ

Басты сөздер: ايماق,
Жоғары қарай