Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

باقىتجان ساعىنتايەۆ الماتىلىقتاردى كوروناۆيرۋستىڭ قايتا ورشۋىنە جول بەرمەۋگە شاقىردى

2021 жылдың 20 қазан 2021 21:30

الماتى. قازاقپارات - الماتى اكىمى باقىتجان ساعىنتايەۆ كوروناۆيرۋس ينفەكسياسىنىڭ تارالۋ ديناميكاسى تۋرالى ايتىپ، پاندەميانى توقتاتۋدىڭ جالعىز ءارى سەنىمدى ءتاسىلى - ۆاكسينا ەكەنىن ەسكە سالدى، دەپ حابارلايدى قازاقپارات ءتىلشىسى.

«الماتى» تەلەارناسىنداعى Akimat LIVE باعدارلاماسىنىڭ تىكەلەي ەفيرىندە قالا اكىمى كوروناۆيرۋس بويىنشا ەپيدەميولوگيالىق احۋالدىڭ ءالى دە كۇردەلى ەكەنىن ايتتى.

وتكەن تاۋلىكتە COVID-19-دىڭ 312 جاعدايى تىركەلدى، ونىڭ 303 ءى - سيمپتومدى. ەپيدەميا باستالعاننان بەرى 175434 ادام ۆيرۋس جۇقتىردى. ال جىل باسىنان بەرى - 156913 جاعداي انىقتالدى.

ك ۆ ي دەرتىن جۇقتىرۋ بازالىق بولجام بويىنشا تۇراقتانىپ ءارى تومەندەپ جاتىر. دەرتتىڭ تومەندەۋ قارقىنى ساقتالسا، وندا ايدىڭ سوڭىندا جۇقتىرۋ دەڭگەيى تاۋلىگىنە 300 دەن كەم بولادى دەگەن بولجام بار.

وتكەن اپتادا، الدىڭعىمەن سالىستىرعاندا، ءۇي وشاقتارىندا ينفەكسيا %4 عا، سونداي-اق جۇمىس ورنىندا %0,9 عا، تۋىستارمەن، كورشىلەرىمەن جانە تانىستارىمەن بايلانىس كەزىندە %0,6 عا ايتارلىقتاي ءوستى. سونداي-اق، قوعامدىق كولىكتە - %4,8 عا، ساۋدا وبەكتىلەرىندە - %1,5 عا جۇقتىرۋدىڭ كۇرت ءوسۋى بايقالادى.

نەگىزگى جۇقتىرۋ ورىندارى ساۋدا وبەكتىلەرى - %35، قوعامدىق كولىك - %24، وتباسىلارداعى بايلانىستار - %20 جانە بازارلاردا - %10. ينفەكسيالىق ستاتسيونارلاردا 1255 ادام جاتىر. ونىڭ 31 ءى بالا.

كەشە ءبىرىنشى كومپونەنتپەن 1581 ادام، ەكىنشى كومپونەنتپەن 2691 ادام ۆاكسينالاندى. بيىلعى جىلدىڭ 1- اقپانىنان 19- قازانعا دەيىنگى بارلىق كەزەڭدە I كومپونەنتپەن 981759 ادام، II كومپونەنتپەن 906264 ادام ۆاكسينالاندى.

باقىتجان ساعىنتايەۆ شەتەلدەردەگى، سونىڭ ىشىندە دەرتتىڭ كەزەكتى ءوسۋى تىركەلگەن رەسەيدەگى جاعدايعا نازار اۋداردى. سوندىقتان الماتى اكىمى تۇرعىنداردى ك ۆ ي پاندەمياسىنىڭ ورشۋىنە جول بەرمەۋگە، ۆاكسينا سالدىرۋدى كەيىنگە قالدىرماۋعا شاقىردى.

ۆاكسينالانعان ءار ادام احۋالدى تۇراقتاندىرۋعا جانە شەكتەۋلەردى جويۋعا ايتارلىقتاي ۇلەس قوساتىن بولادى.


Басты сөздер: بيلئك جانة ساياسات,
Жоғары қарай