Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

اتىراۋدا جازۋشى راقىمجان وتاربايەۆقا ارنالعان كىتاپ تانىستىرىلدى

2021 жылдың 20 қазан 2021 21:58

اتىراۋ. قازاقپارات - اتىراۋدا كورنەكتى جازۋشى-دراماتۋرگ، قازاقستانىڭ ەڭبەك سىڭىرگەن قايراتكەرى راقىمجان وتاربايەۆقا ارنالعان كىتاپتىڭ تانىستىرىلىمى ءوتتى، دەپ حابارلايدى قازاقپارات.

جازۋشىنىڭ شىعارماشىلىعىنا ارنالعان تولىق بيبليوگرافيالىق كىتاپتى ر. وتاربايەۆ اتىنداعى مادەنيەت قورى شىعارعان.

«كىتاپقا راقىمجان وتاربايەۆتىڭ كوركەم، پۋبليتسيستيكالىق باعىتتاعى شىعارمالارى، گازەت-جۋرنالداردا جاريالانعان دراماتۋرگيالىق تۋىندىلارى، شەت تىلىندە جارىق كورگەن كىتاپتارى، سۇحباتتارى مەن ماقالالارى، جازۋشىنىڭ ءومىرى مەن شىعارماشىلىعى تۋرالى وچەركتەر ەندى»، - دەيدى قالامگەردىڭ جارى، راقىمجان وتاربايەۆ اتىنداعى مادەنيەت قورىنىڭ جەتەكشىسى ساۋلە وتاربايەۆا.




وبلىس اكىمىنىڭ ورىنباسارى باقىتگۇل حامەنوۆا جازۋشى شىعارماشىلىعىنىڭ قازاق رۋحانياتى ءۇشىن ماڭىزىن اتاپ ءوتتى.




«اتىراۋ ءوڭىرى دە قازاق رۋحانياتىنا زور ۇلەس قوسىپ، ارتىنا مول شىعارماشىلىق مۇرا قالدىرعان تالانتتارعا كەندە ەمەس. سونداي تالانتتىڭ ءبىرى - راقىمجان وتاربايەۆ. قازاق ادەبيەتىنىڭ كورنەكتى وكىلى پروزا، دراماتۋرگيا سالاسىندا ءونىمدى ەڭبەك ەتتى. شىعارمالارى الەمنىڭ بىرنەشە تىلىنە اۋدارىلدى. ونىڭ تۋىندىلارى وسكەلەڭ ۇرپاق ءۇشىن رۋحاني ازىققا اينالدى»، - دەدى باقىتگۇل حامەنوۆا.




جازۋشىنىڭ ۇلى ەرمەرەي راقىمجان وتاربايەۆ اتىنداعى شاكىرتاقىنى ح. دوسمۇحامەدوۆ اتىنداعى اتىراۋ ۋنيۆەرسيتەتى جۋرناليستيكا ماماندىعىنىڭ 4- كۋرس ستۋدەنتى بيبىگۇل تاڭاتاروۆاعا تابىس ەتتى.




ۇزدىك ستۋدەنت قالامگەردىڭ «نوۆەللا»، «اباي سوت» پەسالارى بويىنشا قويىلعان سپەكتاكلدەردە باستى ءرولدى سومداعان.

ەسكە سالا كەتەلىك، بۇدان بۇرىن اتىراۋدا جازۋشى راحىمجان وتاربايەۆ اتىنداعى ستيپەنديانىڭ جەڭىمپازدارى انىقتالعانىن جازعان ەدىك.

Басты сөздер: بيلئك جانة ساياسات,
Жоғары қарай