Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

كوكجايلاۋ ىلە الاتاۋى ۇلتتىق پاركىنىڭ قۇرامىنا كىرگىزىلمەك

2021 жылдың 25 қазан 2021 20:58

نۇر-سۇلتان. قازاقپارات - ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ كوكجايلاۋ شاتقالىنىڭ ىلە الاتاۋى ۇلتتىق پاركىنىڭ قۇرامىنا قاشان قايتارىلاتىنىن ايتىپ بەردى، دەپ حابارلايدى قازاقپارات ءتىلشىسى.

مينيستر 2020-جىلعى 30- قىركۇيەكتە قورداعى جەرلەردى ەرەكشە قورعالاتىن تابيعي اۋماقتاردىڭ جەرلەرىنە اۋىستىرۋ ءتارتىبىن رەتتەيتىن زاڭ قابىلدانعانىن ەسكە سالدى.

«اتالعان زاڭنىڭ قابىلدانۋى كوكجايلاۋ جوباسىنىڭ جەرلەرىن ىلە-الاتاۋ ۇلتتىق پاركىنىڭ قۇرامىنا قايتارۋعا نەگىز بولدى. بۇگىندە جەر كولەمى شامامەن 1000 گەكتاردى قۇرايدى، قازىرگى ۋاقىتتا ىلە-الاتاۋ ۇلتتىق پاركىنە جەر بەرۋ تۋرالى ۇكىمەت قاۋلىسىنىڭ جوباسى ازىرلەنۋدە»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.

ءمينيستردىڭ ايتۋىنشا، قاۋلى جوباسىن كەلىسۋ جانە ونى بەكىتۋ ءراسىمى شامامەن ءبىر ايعا سوزىلادى، ال كوكجايلاۋدى ىلە-الاتاۋ ۇلتتىق پاركىنىڭ قۇرامىنا قايتارۋ پروتسەسى جىل سوڭىنا دەيىن اياقتالماق.

Басты сөздер: قوعام,
Жоғары қарай