Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

عالىمدار قارا شىبىندى ەلىمىزدەگى ەكولوگيانى جاقسارتۋعا پايدالانباقشى

2021 жылдың 26 қазан 2021 19:01

نۇر- سۇلتان. قازاقپارات -كادىمگى قارا شىبىننىڭ پايداسى شاش ەتەكتەن دەپ كىم ويلاعان؟! وتاندىق عالىمدار ەكولوگيانى جاقسارتۋدا جانە توپىراقتىڭ قۇنارىن ارتتىرۋدا شىبىن دەرناسىلىن تاپتىرماس تىڭايتقىش، دەپ سيپاتتايدى.

قازىر ولار وسى سالادا تاجىريبەلىك جۇمىستارىن جۇرگىزىپ جاتىر. ءال- فارابي اتىنداعى قازاق ۇلتتىق ۋنيۆەرسيتەتىنىڭ عىلىمي- تەحنولوگيالىق پاركىندە ءدال قازىر ون مىڭنان استام شىبىن بار. بۇل شىبىنداردىڭ شىبىن جانى ەرەكشە اياۋلى.

ەرمەك تاۋاساروۆ، ءال- فارابي اتىنداعى قازۇۋ بيوتەحنولوگيا ماگيسترى:

- تەمپەراتۋراسى 20 گرادۋستان 27 گرادۋستا ۇستايمىز. ىلعالدىلىعىن 50-دەن 75 پروتسەنتكە دەيىن ۇستايمىز. بۇلاردى وڭتۇستىك امەريكادان الىپ كەلگەن. ءبىزدىڭ شىبىنداردان وزگەشەلىگى - ولار شاقپايدى جانە تەك سۋمەن قورەكتەنەدى.

ءبىر كيلوگرام شىبىن دەرناسىلىن ءوسىرۋ ءۇشىن 10-15 كيلوگرامم قورەك كەرەك. وڭتۇستىك امەريكا شىبىندارى قۇستىڭ ساڭعىرىعىن دا، تاماق قالدىقتارىن دا، اعاش ۇگىندىسى، بيداي كەبەگى - ءبارى- ءبارىن، تالعاماي جەي بەرەدى. تەك تابيعي بولسا بولعانى. عىلىمعا شىبىنداردان بۇرىن ولاردىڭ دەرناسىلدەرى باعالى.

سەرىكحان ايدارحان ۇلى، بيوتەحنولوگ، PHD دوكتورى:

- ول ءونىمنىڭ قۇرامىندا 40 پروتسەنت پروتەين، 30 پروتسەنت بەلوك، قالعان پروتسەنتى ەڭ قاجەتتى امينوكيسلوتالار بولىپ تابىلادى. ءبىر كيلوگرامم اقۋىز الۋ ءۇشىن شىبىن دەرناسىلىنە 400 گرام جۇگەرى كەتسە، سيىرعا 45,3 ك گ جۇگەرى كەرەك. 1 كيلوگرامم اقۋىز الۋ ءۇشىن دەرناسىلگە 5400 ليتر سۋ كەتسە، سيىرعا 110000 ليتر سۋ كەرەك. ولار از قورەكتەن پايدالى كوپ ءونىم وندىرەدى.

سەرىكحان ايدارحان ۇلى، بيوتەحنولوگ، PHD دوكتورى:

- وسى ءونىمدى تۇتىنعان قۇستار، بالىقتار بىرىنشىدەن، اۋىرمايدى، ەكىنشىدەن، ماسساسىن، ەتىن كوبىرەك جينايدى، ۇشىنشىدەن، جۇمىرتقا سالۋى جيىرەك بولادى. ياعني كۇنىنە ءبىر جۇمىرتقا سالاتىن بولسا، ءبىزدىڭ دەرناسىلدەردىڭ ارقاسىندا كۇنىنە ەكى جۇمىرتقاعا دەيىن سالاتىن بولادى.

سابىر تەمىربايەۆ، بيوتەحنولوگيا ماگيسترى:

- ءبىر ءتۇپ قيارعا 200-300 گرامم قولدانادى. مالدىڭ، تاۋىقتىڭ قيىن الاتىن بولساق، 2-3 ك گ سالىنادى ءبىر تۇپكە.

«بۇل ءۇردىس الەمنىڭ باسقا ەلدەرىندە دە جۇزەگە اسۋدا. ەندى ءبىز بۇل شىبىنداردى مەديتسينادا قولدانۋدى قولعا الىپ جاتىرمىز. بولاشاقتا كوسمەتولوگيا سالاسىندا دا زەرتتەۋ جۇرگىزبەكپىز»، - دەيدى عالىمدار. ءبىر قىزىعى، ەكولوگياعا دا، قالتاعا دا پايداسى مول بۇل جوبانى ءۇي جاعدايىندا دا جاساۋ وڭاي ەكەن.

www.24.kz


Басты сөздер: قوعام,
Жоғары қарай