Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

بوكستان الەم چەمپيوناتى: ساكەن بيبوسىنوۆ وزبەك بوكسشىسىن جەڭدى

2021 жылдың 27 қазан 2021 08:21

نۇر- سۇلتان. قازاقپارات - بۇگىن سەربيا استاناسى بەلگراد قالاسىنداعى بوكستان الەم چەمپيوناتىنىڭ ەكىنشى جارىس كۇنىندە قازاقستاندىق ساكەن بيبوسىنوۆ العاشقى جەكپە- جەگىن وتكىزدى، دەپ حابارلايدى قازاقپارات ءتىلشىسى.

ساكەن وزبەك بوكسشىسى 1/16 فينالدا وزبەك حاسانبوي دۋسماتوۆپەن قولعاپ ءتۇيىستىردى. قارسىلاسى - تاجىريبەلى سپورتشى. 2016 -جىلى ريو وليمپياداسىندا التىننان القا تاققان. جەكپە- جەك بارىسىندا ساكەن شيراق قيمىل كورسەتتى. ناتيجەسىندە قارسىلاسىنان باسىم ءتۇستى. سونداي- اق، بۇگىن تاعى ءبىر قازاقستاندىق نۇرقانات رايىس 75 كەلىدە 1/32 فينالدا چەرنوگوريالىق ستەفان ساۆكوۆيچپەن شەبەرلىك بايقاسادى.

ەسكە سالساق، 25-قازاندا وتكەن جارىستىڭ العاشقى كۇنىندە ۇلتتىق قۇراما كاپيتانى ابىلايحان ءجۇسىپوۆ (67 كەلى) پەن سەرىك تەمىرجانوۆ (57 كەلى) 1/16 فينالعا ءوتتى.

ەسكە سالساق، ۇلتتىق قۇرامانىڭ باس باپكەرى قايرات ءساتجانوۆ ءدۇبىرلى دودادا ءتورت سپورتشىدان وزگە تەمىرتاس ءجۇسىپوۆ (48 كەلى)، ماحمۋد سابىرحان (54 كەلى)، ساماتالي تولتايەۆ (60 كەلى)، ساناتالي تولتايەۆ (63,5 كەلى)، اسلانبەك شىمبەرگەنوۆ (71 كەلى)، نۇربەك ورالباي (80 كەلى)، بەك نۇرماعامبەت (86 كەلى)، ايبەك ورالباي (92 كەلى) مەن نۇرلان ساپارباي (92 كەلىدەن جوعارى) سىندى سپورتشىلارعا سەنىم ارتتى.

Басты сөздер: سپورت,
Жоғары қарай