Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ۇيعىر مادەني ورتالىعى پەنجىم اۋىلىندا توبەلەستەن جاراقات العان بالاعا كومەكتەسۋگە ءازىر

2021 жылдың 28 қазан 2021 13:41

نۇر- سۇلتان. قازاقپارات - قازاقستان حالقى اسسامبلەياسىنا قاراستى قازاقستان ۇيعىرلارى رەسپۋبليكالىق مادەني ورتالىعى الماتى وبلىسىنداعى جاپپاي توبەلەستەن زارداپ شەككەن بالاعا بۇكىل كومەكتى كورسەتۋگە ءازىر.

قازاقپارات ورتالىقتىڭ مالىمدەمەسىنىڭ ءماتىنىن جاريالايدى.

«قۇرمەتتى قازاقستان ازاماتتارى! پانفيلوۆ اۋدانىنىڭ پەنجىم اۋىلىندا 27 - قازاندا بولعان وقيعا بۇقارالىق اقپارات قۇرالدارىندا جانە الەۋمەتتىك جەلىلەردە بەلگىلى ءبىر رەزونانس تۋدىردى. وكىنىشكە قاراي، جەرگىلىكتى مەكتەپتىڭ 9-10- سىنىپ وقۋشىلارى اراسىنداعى توبەلەستەن ۇلداردىڭ ءبىرى - نۇربول ءادىلحان اۋرۋحاناعا ءتۇستى. ءبىز، «قازاقستان ۇيعىرلارى رەسپۋبليكالىق مادەني ورتالىعىنىڭ» باسشىلارى جاسوسپىرىمنىڭ اتا- اناسىنا شىن جۇرەكتەن قايعىرىپ، ونى ەمدەۋ مەن وڭالتۋعا قاجەتتى كەز كەلگەن كومەكتى كورسەتەمىز.

ەكىنشى جاعىنان، ءبىز، ورىن العان بۇل وقيعانى، الەۋمەتتىك جەلىلەردە ەتنوسارالىق جانجال رەتىندە كورسەتۋگە تىرىسۋدان باس تارتامىز. ءيا، 28- قازانعا قاراعان ءتۇنى اۋىلدىڭ كەيبىر تۇرعىندارى ۇيلەر مەن كولىكتەردىڭ تەرەزەلەرىنە تاس لاقتىرىپ، ۇساق بۇزاقىلىققا جول بەردى. سونىمەن قاتار الەۋمەتتىك جەلىلەردە اتالمىش ەتنوسارالىق قاقتىعىستار تۋرالى تاراپ جاتقان قاۋەسەتتەردىڭ ەشقانداي نەگىزى جوق ەكەنىن جاۋاپكەرشىلىكپەن مالىمدەيمىز.

الماتى وبلىسى باسشىلىعىنىڭ، قۇقىق قورعاۋ ورگاندارى مەن قازاقستان حالقى اسسامبلەياسى مۇشەلەرىنىڭ جەدەل ءىس- قيمىلدارىنىڭ ناتيجەسىندە اۋىلدا قوعامدىق قاۋىپسىزدىك، ازاماتتاردىڭ بەيبىتشىلىگى مەن تىنىشتىعى قامتاماسىز ەتىلدى. قازاقستان حالقى اسسامبلەياسى ءتوراعاسىنىڭ قوعامدىق ورىنباسارى ز. كۋزيەۆ، قازاقستان ۇيعىرلارى رەسپۋبليكالىق مادەني ورتالىعىنىڭ وكىلدەرى پەنجىم اۋىلىندا جانە جيگيت- بەشيمەن بىرگە بيلىك پەن پوليتسياعا وسى وقيعانى شەشۋگە كومەكتەسۋدە. ءبىز توبەلەسكە جانە ارانداتۋشىلىققا قاتىسى بار ادامداردىڭ بارلىعى زاڭعا سايكەس جازالاناتىنىنا سەنىمدىمىز. ءبىز ازاماتتاردى سابىرلىق ساقتاۋعا، رەسمي اقپاراتقا سەنۋگە جانە ءارتۇرلى جالعان حابارلامالارعا، الەۋمەتتىك جەلىلەردەگى قىزۋقاندىلىققا بوي الدىرماۋعا شاقىرامىز!

پانفيلوۆ اۋدانىنىڭ قازاقتارى مەن ۇيعىرلارى جاقسى قارىم- قاتىناستاردى، كوپجىلدىق دوستىقتى، باۋىرلاستىق بايلانىستاردى باعالايدى جانە «زياندى ارانداتۋشىلار» وسى وقيعانى پايدالانىپ، اراداعى دوستىققا سىزات تۇسىرۋگە جول بەرمەيدى».

ەستەرىڭىزگە سالا كەتەيىك، وتكەن تاۋلىكتە پانفيلوۆ اۋدانىنداعى پەنجىمدە وقۋشالار اراسىندا جاپپاي توبەلەس بولعانىن حابارلاعان بولاتىنبىز. الماتى وبلىستىق پوليتسيا دەپارتامەنتى باسپا ءسوز قىزمەتىنىڭ رەسمي اقپاراتىنا سايكەس، اتالعان فاكتى بويىنشا ق ر ق ك 293-بابىنىڭ 2-بولىگى بويىنشا قىلمىستىق ءىس قوزعالدى. بۇگىن دارىگەرلەر زارداپ شەككەن بالانىڭ دەنساۋلىعى تۋرالى ايتتى.


Басты сөздер: قوعام,
Жоғары қарай