Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

قوسشىعا قالا كەلبەتىن بەرۋ كەرەك - اقمولا وبلىسىنىڭ اكىمى

2021 жылдың 26 қараша 2021 20:45

نۇر-سۇلتان. قازاقپارات - اقمولا وبلىسىنىڭ اكىمى ەرمەك مارجىقپايەۆ وبلىستاعى قوسشى قالاسىن دامىتۋ جۇمىستارى تۋرالى ايتىپ بەردى، دەپ حابارلايدى قازاقپارات.

«قوسشى اۋىلى وبلىستىق ماڭىزى بار قالا مارتەبەسىنە يە بولدى. ءبىراق ءبىز مۇنىڭ مارتەبە ەكەنىن، ال مازمۇنى بويىنشا اۋىل قالاعا اينالۋى ءۇشىن اۋقىمدى كەشەندى جۇمىس جۇرگىزۋ قاجەتتىگىن جاقسى تۇسىنەمىز»، - دەدى ەرمەك مارجىقپايەۆ وڭىرلىك كوممۋنيكاتسيالار ورتالىعىندا وتكەن بريفينگىدە.

اكىمنىڭ مالىمەتىنشە، ەلوردا ماڭىنداعى ايماققا 20 ميلليارد تەڭگەگە جۋىق ينۆەستيتسيا سالىندى.

«قوسشى بويىنشا 2017-جىلى 2 ميلليارد تەڭگە بولىنسە، 2018-جىلى 6 ميلليارد تەڭگە، ال ەكى جىلدا قوسشى قالاسىن دامىتۋ ءۇشىن 7 ميلليارد تەڭگەدەن بولەمىز. بولىنگەن قاراجاتقا قاراماستان، ەلوردا ماڭىنداعى ايماقتا كوپتەگەن ماسەلەلەر بار ەكەنى تۇسىنىكتى»، - دەدى اكىم.

ەرمەك مارجىقپايەۆتىڭ ايتۋىنشا، 2011-جىلى قوسشى حالقى 7 مىڭ ادامعا جەتكەن، ال قازىرگى ۋاقىتتا قالادا 65 مىڭعا جۋىق ادام تۇرادى.

«تالاپكەر، جىبەك جولى، يلينكا (قاراوتكەل)، قوياندى ەلدى مەكەندەرىندە 15 تەن 20 مىڭعا دەيىن ادام تۇرادى، ياعني حالىق كوپ، جانە ءبىز ينجەنەرلىك جەلىلەرمەن دە، الەۋمەتتىك سالا وبەكتىلەرىمەن دە جۇمىس جۇرگىزىپ جاتىرمىز»، - دەپ اتاپ ءوتتى ە. مارجىقپايەۆ.

اكىم قوسشىدا 4 الەۋمەتتىك نىسان مەن 1200 ورىندىق مەكتەپ پايدالانۋعا بەرىلەتىنىن اتاپ ءوتتى.

«قازىر 100 ورىندىق ەمحانانى اياقتاپ جاتىرمىز، الداعى جىلى 1200 ورىندىق مەكتەپتى تاپسىرامىز جانە دەنە شىنىقتىرۋ-ساۋىقتىرۋ كەشەنىنىڭ قۇرىلىسىن باستايمىز. مادەنيەت ءۇيىن جوبالاي باستادىق، ءبىرقاتار سپورت الاڭدارىن جوبالاپ جاتىرمىز، ياعني قوسىشعا قالا كەلبەتىن بەرۋ كەرەك. جولدار بويىنشا ۇلكەن جۇمىس اتقارۋدامىز. رەسپۋبليكا كومەكتەسىپ، وبلىس بىرلەسىپ قارجىلاندىرىپ جاتىر. ءبىز قوسشى بويىنشا تۋىنداعان ماسەلەلەردى جەدەل شەشۋگە تىرىسامىز. بولاشاق جامان ەمەس. بۇگىندە ەلەكترمەن جابدىقتاۋ، جاڭا ىقشام اۋدانداردى سۋمەن جابدىقتاۋ بويىنشا ج س ق ازىرلەپ جاتىرمىز. قالا قالا بولۋى ءۇشىن بارلىعىن جاسايمىز»، - دەپ اتاپ ءوتتى ە. مارجىقپايەۆ.

اكىمنىڭ مالىمەتىنشە، قالانى دامىتۋ ءۇشىن الداعى بەس جىلدا بيۋجەتتەن 113 ميلليارد تەڭگە ءبولۋ جوسپارلانعان.

Басты сөздер: بيلئك جانة ساياسات,
Жоғары қарай