Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

شەتەلدىك ينتەرنەت-كومپانيالاردىڭ قىزمەتىنە «سيفرلىق سالىق» ەنگىزىلەدى

2021 жылдың 26 қараша 2021 22:31

نۇر-سۇلتان. قازاقپارات - 2022-جىلعى 1- قاڭتاردان باستاپ سالىق كودەكسىنىڭ قازاقستان اۋماعىندا ورنالاسقان جەكە تۇلعالارعا ساتىلعان تاۋارلارى، كورسەتىلگەن قىزمەتتەرى ءۇشىن شەتەلدىك ينتەرنەت-كومپانيالاردىڭ ق ق س تولەۋ جونىندەگى مىندەتتەمەلەرى تۋرالى نورمالارى كۇشىنە ەنەدى.

بۇل تۋرالى قازاقپارات ق ر ۇلتتىق ەكونوميكا مينيسترلىگىنىڭ رەسمي سايتىنا سىلتەمە جاساپ حابارلايدى.

ۇلتتىق ەكونوميكا مينيسترلىگى قىزمەتتەرى مەن تاۋارلارىن ونلاين پلاتفورمالار ارقىلى ساتاتىن بارلىق شەتەلدىك كومپانيالار قازاقستان بيۋجەتىنە ق ق س تولەۋگە مىندەتتى بولاتىنىن حابارلايدى.

ق ق س مولشەرلەمەسى ساتىلعان تاۋارلار مەن قىزمەتتەر سوماسىنىڭ %12 ءىن قۇرايدى. مۇنىڭ قازاقستاندىق سالىق تولەۋشىلەرگە قاتىسى جوق.

«تولەم ءتارتىبى وتە قاراپايىم. كومپانيالار سالىق سالۋ ماقساتىندا تىركەلمەيدى. وڭايلاتىلعان تارتىپتە سالىق ورگاندارىنا حات جولداپ، ق ق س تولەۋگە دايىن ەكەندىگى تۋرالى حابارلايدى»، - دەدى ۇ ە م ۆيتسە-ءمينيسترى ازامات امرين.

اكىمشىلەندىرۋ شەتەلدىك ينتەرنەت-كومپانيالار اۋدارعان سومالار تۋرالى ەكىنشى دەڭگەيلى بانكتەردىڭ دەرەكتەرى نەگىزىندە جۇزەگە اسىرىلادى.

اكىمشىلىك ماقساتتار ءۇشىن تولەم جۇيەلەرىن پايدالانا وتىرىپ، تولەمدى جانە/نەمەسە اقشا اۋدارىمىن الۋشى رەتىندە شەتەلدىك كومپانيانى سايكەستەندىرەتىن بەلگىلەردىڭ بىرەگەي جيىنتىعى بولىپ تابىلاتىن Merchant ID نەمەسە MID ۇعىمىن بەلگىلەۋ ۇسىنىلادى.

Merchant ID شەتەلدىك ينتەرنەت-كومپانيالار بەرەتىن رەكۆيزيتتەردىڭ ءبىرى بولىپ تابىلادى.

ول بويىنشا بانكتەر ءتيىستى تولەمدەر مەن اقشا اۋدارىمدارىن سايكەستەندىرەدى.

بۇل - حالىقارالىق پراكتيكا. ماسەلەنى قاراستىرۋ كەزىندە حالىقارالىق، ەۋروپا ەلدەرىنىڭ دە، تاياۋ كورشىلەرىمىز رەسەي مەن بەلارۋستىڭ دە تاجىريبەسى زەرتتەلدى.

ۇ ە م- ءنىڭ بولجامىنشا، وسى ق ق س سالىعى ەسەبىنەن بيۋجەتكە جىلىنا 2 ميلليارد تەڭگە تۇسەدى.

ەسكە سالساق، 2021-جىلعى 25- قاراشادا سەنات سالىق كودەكسىنە ينتەرنەت ارقىلى ساتىلاتىن تاۋارلارعا سيفرلىق سالىق ەنگىزۋدى قاراستىراتىن تۇزەتۋلەردى قابىلداعان بولاتىن.

Басты сөздер: بيلئك جانة ساياسات,
Жоғары қарай