Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ەربولات دوسايەۆ تەڭگەنىڭ السىرەۋ سەبەبىن اتادى

2021 жылдың 9 желтоқсан 2021 09:21

نۇر- سۇلتان. قازاقپارات - بۇگىن ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ تەڭگەنىڭ السىرەۋ سەبەبىن اتادى، دەپ حابارلايدى قازاقپارات ءتىلشىسى.

«بيىلعى جىلعى قاراشادا كوروناۆيرۋستىڭ جاڭا شتامىنىڭ تابىلۋى جانە ونىڭ ا ق ش پەن ەۋروپادا تارالۋىنا قاتىستى حابارلاردىڭ تاراۋى اياسىندا الەمدىك قارجى جانە تاۋار نارىقتارىندا جوعارى قۇبىلمالىلىق بايقالدى. بۇل مۇنايدىڭ بەلگىلەنگەن باعاسىنىڭ كۇرت تومەندەۋىنە الىپ كەلدى. مۇنايدىڭ الەمدىك باعاسى تامىزدىڭ سوڭىنان باستاپ ەڭ تومەنگى دەڭگەي - ءبىر باررەل ءۇشىن 65-66 ا ق ش دوللارىنا دەيىن ارزاندادى»، - دەدى ول.

ۇ ب ءتوراعاسىنىڭ ايتۋىنشا، الەمدىك ۆاليۋتا نارىعىندا دا دامۋشى ەلدەر ۆاليۋتالارىنىڭ جاھاندىق السىرەۋى بايقالدى: رەسەي ءرۋبلى ءبىر ايدا 4,7, وڭتۇستىك افريكا راندى 4,3، مەكسيكا پەسوسى 4,3 پايىزعا السىرەدى.

«ىرگەلى فاكتورلاردىڭ ناشارلاۋى قاراشادا تەڭگەنىڭ ءبىر ا ق ش دوللارى ءۇشىن 434 تەڭگە 20 تيىنعا دەيىن 1,7 پايىزعا السىرەۋىنە سەبەپ بولدى. بيىلعى جىلعى 8-جەلتوقسانداعى جاعداي بويىنشا تەڭگە باعامى ءبىر ا ق ش دوللارى ءۇشىن 434 تەڭگە 46 تيىندى قۇرادى»، - دەدى ەربولات دوسايەۆ.

ونىڭ اتاپ وتۋىنشە، بيۋدجەتكە ترانسفەرتتەر ءبولۋ ءۇشىن ۇلتتىق قور قاراجاتىن كونۆەرتاتسيالاۋ وپەراتسيالارى جانە كۆازيمەملەكەتتىك سەكتور ساتۋلارى ۇلتتىق ۆاليۋتاعا قولداۋ كورسەتتى. بۇل رەتتە سالىق كەزەڭى ەكسپورتتاۋشىلارداعى تەڭگەلىك وتىمدىلىكتىڭ جەتكىلىكتىلىگىنە بايلانىستى ۇلتتىق ۆاليۋتاعا ايتارلىقتاي قولداۋ كورسەتە العان جوق.

«بەلگىسىزدىكتىڭ تۋىنداۋى مەن سىرتقى جاعدايلاردىڭ كۇرت ناشارلاۋى اياسىندا جەكە جانە زاڭدى تۇلعالاردا شەتەل ۆاليۋتاسىنا سۇرانىس ايتارلىقتاي ءوستى. ۇلتتىق بانك تەڭگەنى تۇراقسىزداندىراتىن اۋىتقۋلاردى بولدىرماۋ ماقساتىندا بيىلعى جىلعى قاراشانىڭ سوڭعى كۇندەرىندە 239 ميلليون ا ق ش دوللارى سوماسىنا 2020 -جىلعى قازاننان باستاپ العاش رەت ۆاليۋتالىق ينتەرۆەنتسيا جۇرگىزدى»، - دەدى ۇ ب ءتوراعاسى.

Басты сөздер: قوعام,
Жоғары қарай