Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

قازاقستاندا اسكەري پوليتسيانىڭ وكىلەتتىگى كەڭەيتىلمەك

2022 жылдың 25 қаңтар 2022 17:41

نۇر-سۇلتان. قازاقپارات - پارلامەنت ماجىلىسىندە «اسكەري پوليتسيا ورگاندارى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسكەري پوليتسيا ورگاندارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى تانىستىرىلدى، دەپ حابارلايدى قازاقپارات ءتىلشىسى.

قورعانىس ءمينيسترىنىڭ ورىنباسارى سۇلتان قامالەتدينوۆتىڭ ايتۋىنشا، «اسكەري پوليتسيا ورگاندارى تۋرالى» زاڭ جوباسى قارۋلى كۇشتەردەگى قۇقىق ءتارتىبىن نىعايتۋعا باعىتتالعان فۋنتسيالاردى بەكىتۋ، اسكەري پوليتسيا ورگاندارى قىزمەتىنىڭ مىندەتتەرى مەن وكىلەتتىكتەرىن كەڭەيتۋگە نەگىزدەلگەن.

«اسكەريلەردىڭ جاراقات الۋى مەن ءولىمى جاعدايلارىنا جول بەرمەۋ جانە الدىن الۋ ماقساتىندا اسكەري قىزمەت پەن ەڭبەك قاۋىپسىزدىگىن قامتاماسىز ەتۋ بويىنشا جۇيەلى جۇمىستى ۇيىمداستىرۋ قاجەتتىگى تۋىندادى. وسىعان بايلانىستى زاڭ جوباسىندا اسكەري قىزمەتتىڭ قاۋىپسىزدىگىن قامتاماسىز ەتۋدى ۇيىمداستىرۋ ءۇشىن ۆەدومستۆولىق قاداعالاۋ فۋنكتسياسىن بەكىتۋ قاراستىرىلىپ وتىر»، - دەدى قورعانىس ءمينيسترىنىڭ ورىنباسارى.

ونىڭ سوزىنە قاراعاندا، قازىرگى كەزدە قارۋلى كۇشتەردىڭ اسكەري پوليتسياسى ورىندايتىن ءبىرقاتار فۋنكتسيالار مەن مىندەتتەر زاڭنامالىق دەڭگەيدە رەگلامەنتتەلمەگەن. سونىمەن قاتار، قوعامدىق قاۋىپسىزدىك سالاسىندا مىندەتتەردى ءتيىمدى ورىنداۋ ماقساتىندا اسكەري پوليتسيا ورگاندارى اسكەريلەرىنىڭ قۇقىقتارىن كەڭەيتۋ ۇسىنىلىپ وتىر. وسى ورايدا ولارعا اسكەري بولىمشەلەر مەن مەكەمەلەردە اسكەريلەر مەن ازاماتتىق پەرسونال تۇلعالارىنىڭ جەكە باسىن كۋالاندىراتىن قۇجاتتارعا تەكسەرۋ جۇرگىزۋ، اسكەردىڭ قاتىسۋىمەن وتەتىن بۇقارالىق ءىس-شارالار ورنىنا كىرەبەرىستە ادامداردىڭ زاتتارىن، كولىكتەرىن جانە وتكىزەتىن جۇكتەرىن تەكسەرۋ، قىزمەتتىك مىندەتىن ورىنداۋ كەزىندە بەينەجازبا تەحنيكالىق قۇرالدارىن (ۆيدەوتىركەگىش پەنۆيدەوجەتون) پايدالانۋ قۇقى بەرىلمەك.

مۇنىمەن قوسا، بەيبىتشىلىكتى قولداۋ بويىنشا حالىقارالىق ميسسيالاردا، ونىڭ ىشىندە ب ۇ ۇ ميسسيالارىنا اسكەري پوليتسيا وكىلدەرىنىڭ قاتىسۋىن رەتتەۋ ماقساتىندا زاڭ جوباسىندا ءتيىستى تۇزەتۋ ەسكەرىلگەن.


Басты сөздер: بيلئك جانة ساياسات,
Жоғары қарай