Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ەلوردا پوليتسەيلەرى كولىك ۇرىسىن ۇستادى

2022 жылдың 25 қаңтар 2022 22:36

نۇر-سۇلتان. قازاقپارات - ەلوردا اۋماعىندا قوعامدىق ورىنداردا قۇقىق بۇزۋشىلىقتاردىڭ الدىن الۋ جانە بولدىرماۋ ماقساتىندا ءبىر اي بويى «قۇقىق ءتارتىبى» رەسپۋبليكالىق جەدەل-الدىن الۋ شاراسى جۇرگىزىلۋدە، دەپ حابارلايدى قازاقپارات نۇر-سۇلتان قالاسى پوليتسيا باسقارماسىنىڭ باسپا ءسوز قىزمەتىنە سىلتەمە جاساپ.

وسىلايشا، كۇندىزگى ساعات 12:10 دا پوليتسياعا «Mersedes c -600» كولىگىنىڭ يەسى حابارلاسىپ، كولىگىنىڭ ايداپ اكەتىلگەنىن حابارلادى. ەر ادامنىڭ ايتۋىنشا، ول كولىگىن وتالدىرىپ، كىلتىن ىشىندە قالدىرىپ كەتكەن.

كولىكتىڭ قاسىندا ءوتىپ بارا جاتقان قاسكۇنەم ىشىنەن كىلت بايقاپ، وعان ءمىنىپ كەتتى.

ۇرلانعان كولىك پ د ج ب و بەينەباقىلاۋ تاسپالارىنا ءتۇسىپ قالعان. پاترۋلدىك پوليتسەيلەر ۇرىنى ۇستادى.

ول قالانىڭ 32 جاستاعى تۇرعىنى بولىپ شىقتى. ەر ادام ءوز ارەكەتىن كولىككە مىنگىسى كەلگەنىمەن ءتۇسىندىردى. قازىرگى كەزدە كولىكتى زاڭسىز يەمدەنۋ فاكتىسى بويىنشا سوت الدىنداعى تەرگەۋ امالدارى جۇرگىزىلۋدە.

«قۇقىق ءتارتىبى» رەسپۋبليكالىق جەدەل-الدىن الۋ شاراسىن وتكىزۋ بارىسىندا قالا اۋماعىندا اكىمشىلىك قۇقىقبۇزۋشىلىقتار انىقتالعان. ولاردىڭ اراسىندا ۇساق بۇزاقىلىق، قوعامدىق ورىنداردا الكوگولدىك ىشىمدىكتەر ءىشۋ نەمەسە ماس كۇيىندە ءجۇرۋ فاكتىلەرى انىقتالدى.

ەلوردادا قۇجات پەن تىركەۋسىز تۇرىپ جۇرگەندەر، كوشى-قون زاڭناماسىن بۇزعان شەتەل ازاماتتارى ۇستالدى. شامامەن 15 مىڭ جالدامالى پاتەر مەن 1407 ساياجاي ءۇيى تەكسەرىلدى.

پوليتسيا دەپارتامەنتى ازاماتتاردى قوعامدىق ءتارتىپتى بۇزباۋعا، مادەنيەت پەن ءوزارا سىيلاستىق ساقتاۋعا شاقىرادى. قۇقىق ءتارتىبىن بۇزۋ فاكتىلەرى تۋرالى پوليتسياعا حابارلاۋدى سۇرايدى.

Басты сөздер: استانا,
Жоғары қарай