Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

سىلەۋسىننىڭ دە سۇراۋى بار

2022 жылдың 28 қаңтар 2022 10:31

نۇر-سۇلتان.قازاقپارات - زاڭ بويىنشا رۇقسات ەتىلمەيتىنىن بىلە تۇرا اڭ اۋلاپ نەلەرى بار ەدى؟ ! ۇلان اۋدانى، كامەنكا اۋىلىنىڭ ەكى تۇرعىنى يتپەن سىلەۋسىنگە شىققان.

ءبىر ەمەس، ەكى سىلەۋسىندى رۇقساتسىز قانجىعاعا بايلاعان ولار ءىز سۋىتپاي تابيعاتتى قورعاۋ پوليسياسىنىڭ قولىنا ءتۇسىپتى.

قۇقىق بۇزۋشىلىقتاردىڭ الدىن الۋ ماقساتىندا 19-قاڭتاردان باستاپ شىعىس قازاقستان وبلىسىنىڭ پوليسەيلەرى كۇشەيتىلگەن رەجىمدە قىزمەت ەتە باستاعان. جەدەل الدىن الۋ ءىس- شاراسىنىڭ العاشقى التى كۇنىندە عانا 138 قىلمىس تىركەلىپ، ونىڭ 93 ءى اشىلدى. بۇدان باسقا، «قۇقىقتىق ءتارتىپ» شەڭبەرىندە 2533 اكىمشىلىك قۇقىق بۇزۋشىلىق انىقتالدى. ونىڭ ىشىندە ۇساق بۇزاقىلىق، تىنىشتىقتى بۇزۋ، قوعامدىق ورىنداردا سپيرتتىك ىشىمدىكتەر ءىشۋ، كامەلەتكە تولماعانداردىڭ تۇنگى ۋاقىتتا تۇرعىن ۇيدەن تىس جەردە بولۋى، تاعىسىن تاعى. ۋچاسكەلىك پوليتسيا ينسپەكتورلاردىڭ قاتىسۋىمەن 1160 قا جۋىق جالدامالى پاتەر، 72 قاراۋسىز قالعان ءۇي، 1747 دەن استام ساياجاي تەكسەرىلدى.

سونىمەن قاتار جەدەل الدىن الۋ ءىس- شاراسى كەزىندە پوليسەيلەر جول ەرەجەسىن بۇزعان كولىك جۇرگىزۋشىلەرىن انىقتاپ، اكىمشىلىك جازا قولدانىستى. وسى ۋاقىت ىشىندە وبلىس جولدارىندا 27 جۇرگىزۋشى ماس كۇيىندە كولىك تىزگىندەپ، ۇستالعان ەكەن. باسقاسىن قويعاندا، سپيرتتىك ىشىمدىك ءىشىپ، تەمىر تۇلپار تىزگىنىنە وتىرۋ - وزىنە عانا ەمەس، وزگەگە دە قاۋىپتى ەكەنىن جازا- جازا جاۋىر ەتكەنبىز. سونىڭ وزىندە زاڭعا باعىنباي جۇرگەن جۇرگىزۋشىلەر بارشىلىق. ماس كۇيدە قولعا تۇسكەن ول ازاماتتاردىڭ اۆتوكولىكتەرى ارنايى تۇراققا قويىلىپ، وزدەرى زاڭ اياسىندا جاۋاپ بەرەدى.

ال سىلەۋسىن اۋلاعان اڭشىلار 21-قاڭتار كۇنى انىقتالعان. تەرىسىن كادەگە جاراتامىز دەدى مە ەكەن، كىم ءبىلسىن، ۇلان اۋدانى، كامەنكا اۋىلىنىڭ ماڭىنداعى حانسار ۋچاسكەسىنە يت ەرتىپ شىققان. رۇقساتسىز اڭ اۋلاعاندارىنا قاراساق، جەدەل الدىن الۋ ءىس- شارالارى ءجۇرىپ جاتقانىن بىلمەسە كەرەك. ايتپەسە، ءار قادامىن اڭدىپ باسار ما ەدى؟ ! ۇلان اۋداندىق پوليتسيا بولىمىنە قاراستى تابيعاتتى قورعاۋ پوليتسيا توبىنىڭ اعا ينسپەكتورى اسەت سابيەۆ حانسار ۋچاسكەسىندە يتتەرمەن، ەكى سىلەۋسىندى زاڭسىز اۋلاۋ فاكتىسىن انىقتاپ ۇلگىرگەن. اتالعان فاكتى بويىنشا ءتيىستى رۇقساتسىز اڭ اۋلاعان كامەنكا اۋىلىنىڭ 32 جانە 49 جاستاعى ەكى تۇرعىنى ا ق ب ت ك- ءنىڭ 382-بابى، 1-بولىگى، ياعني «جانۋارلار دۇنيەسىن پايدالانۋ تالاپتارىن جانە اڭ اۋلاۋ قاعيدالارىن بۇزۋ» بويىنشا اكىمشىلىك حاتتاما تولتىرىلدى. ءارقايسىسىنا 50 ا ە ك كولەمىندە ايىپپۇل سالىندى.

ستاتيستيكالىق دەرەكتەرگە قاراساق، قىلمىس ازايار ەمەس. ايىپپۇل سالىنىپ، تەمىر تورعا توعىتىلعانىمەن، تۇگەلى تارتىپكە باعىنا بەرمەيتىنى ءومىر زاڭدىلىعى. اينالىپ كەلگەندە، «تاربيە - تال بەسىكتەن باستالۋى» كەرەك شىعار.

شىعىس قازاقستان وبلىسى

مەرەي قاينار ۇلى

egemen.kz

Басты сөздер: ايماق,
Жоғары қарай