Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

قىتاي فۋتبولدان ازيا كۋبوگىن وتكىزۋدەن باس تارتتى

2022 жылдың 15 мамыр 2022 13:06

بەيجىڭ. قازاقپارات - 2023 -جىلعى فۋتبولدان ازيا كۋبوگىن وتكىزۋ قۇقىعىنا يە بولعان قىتاي ەلدەگى ەپيدەميولوگيالىق جاعدايعا بايلانىستى تۋرنيردى وتكىزۋدەن باس تارتتى.

بۇل تۋرالى قازاقپارات ازيا فۋتبول كونفەدەراتسياسىنا (AFC) سىلتەمە جاساپ حابارلايدى.

AFC مالىمدەمەسىندە قىتاي فۋتبول قاۋىمداستىعىنىڭ 2023 -جىلعى ازيا كۋبوگىن قابىلداي المايتىنى تۋرالى رەسمي حابارلاما العانى اتاپ ءوتىلدى.

«AFC قىتايدىڭ تۋرنيردى وتكىزۋدەن باس تارتۋىنا اكەلگەن ەلدەگى COVID-19 پاندەمياسىنان تۋىنداعان ەرەكشە جاعدايلاردى ەسكەرەدى»، - دەلىنگەن ازيا فۋتبول كونفەدەراتسياسىنىڭ مالىمدەمەسىندە.

2023 -جىلعى ازيا كۋبوگى 2023 -جىلدىڭ 16- ماۋسىمى مەن 16- شىلدەسى ارالىعىندا قىتايدىڭ 10 قالاسىندا ءوتۋى ءتيىس ەدى. جارىسقا 24 كوماندا قاتىسادى. 2023 -جىلعى ازيا كۋبوگىنا قاتىستى كەلەسى قادامدار تۋرالى تولىق اقپارات كەيىنىرەك جاريالانادى»، - دەلىنگەن AFC باسپا ءسوز حابارلاماسىندا.

بۇرىن حابارلانعانداي، 2022 -جىلدىڭ قىركۇيەگىندە قىتايدىڭ حاڭجوۋ قالاسىندا وتەتىن 19- ازيا ويىندارى كەيىنگە قالدىرىلدى. 2021 -جىلى چىڭدۋ قالاسىندا (سىچۋان پروۆينتسياسى) ءوتۋى ءتيىس دۇنيەجۇزىلىك جازعى ۋنيۆەرسيادا ەندى 2023 -جىلعا شەگەرىلدى.

اۆتور: زارينا تۋعانبايەۆا

Басты сөздер: سپورت,
Жоғары қарай