Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

الماتىدا ماينينگ فەرماسى ارقىلى پايدا تاپقان مەملەكەتتىك كاسىپورىن ديرەكتورى ۇستالدى

2022 жылдың 16 мамыр 2022 21:31

الماتى. قازاقپارات - الماتىدا ماينينگ فەرماسىن زاڭسىز ورناتقان مەملەكەتتىك كاسىپورىننىڭ ديرەكتورىنا قاتىستى قىلمىستىق ءىس تەرگەلۋدە، دەپ حابارلايدى قازاقپارات ءتىلشىسى.

الماتى قالاسى بويىنشا سىبايلاس جەمقورلىققا قارسى ءىس- قيمىل قىزمەتىنىڭ مالىمەتىنشە، اۋىل شارۋاشىلىعى مينيسترلىگىنىڭ «اۋىل شارۋاشىلىعى اەروفوتوگەودەزيالىق ىزدەنىستەر مەملەكەتتىك ينستيتۋتى» ش ج ق ر م ك ديرەكتورى م- گە قاتىستى قىلمىستىق ءىستى تەرگەلۋدە. ول اتالعان كاسىپورىندا ماينينگ فەرماسىن زاڭسىز ورناتقانى انىقتالدى.

«تەرگەۋ بارىسىندا ديرەكتور پايدا تابۋ ماقساتىندا مەملەكەتتىك مەكەمەنىڭ اكىمشىلىك عيماراتىنىڭ اۋماعىندا زاڭسىز كولەڭكەلى بيزنەستى ۇيىمداستىرعان. ول ءۇي- جايلاردا كريپتوۆاليۋتانى وندىرۋگە ارنالعان سيفرلىق ماينينگتىك فەرمانى ورناتقان. بۇل رەتتە ماينينگتىك وپەراتسيالار ءۇشىن ەلەكتر ەنەرگياسىن تۇتىنۋ مەملەكەتتىڭ بيۋدجەت قاراجاتى ەسەبىنەن جۇزەگە اسىرىلدى. قازىرگى ۋاقىتتا سوتقا دەيىنگى تەرگەۋ جالعاسۋدا»، - دەلىنەدى ۆەدومستۆونىڭ حابارلاماسىندا.

ەسكە سالايىق، پرەزيدەنت قاسىم- جومارت توقايەۆ قازاقستانداعى زاڭسىز ماينينگ ماسەلەسىن تۇبەگەيلى شەشۋدى تاپسىرعان بولاتىن. سونداي- اق، بۇعان دەيىن 51 ماينينگ فەرمانىڭ زاڭسىز قىزمەتىنە توسقاۋىل قويىلىپ، 55 فەرما قىزمەتىن وزدىگىنەن توقتاتقانىن حابارلاعان بولاتىنبىز.

اۆتور: دۋمان ارعىنگەلدى

Басты сөздер: ايماق,
Жоғары қарай