Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

سولتۇستىكتەگى اۋىلداردىڭ ءبىلىم دەڭگەيى وڭتۇستىكتەگى قالا مەكتەپتەرىنەن جوعارى - ۆيتسە- مينيستر

2022 жылдың 19 мамыр 2022 09:26

نۇر-سۇلتان. قازاقپارات - ءوڭىرارالىق تەڭسىزدىك ءارتۇرلى ماسەلەلەرگە بايلانىستى تۋىنداپ جاتادى.

ءبىلىم جانە عىلىم ءبىرىنشى ۆيتسە-ءمينيسترى شولپان كارينوۆا اقتوبە وبلىسىنا جۇمىس ساپارىندا NUR. KZ تىلشىسىنە سۇحبات بەرىپ، وقۋشىلارمەن جۇرگىزىلىپ جاتقان تاربيە جۇمىستارى تۋرالى ايتىپ بەردى.

وسى ورايدا، ول اۋىل مەكتەپتەرىنىڭ جاعدايىن كوتەرۋگە قاتىستى اتقارىلىپ جاتقان جۇمىستارعا دا توقتالعان.

«اۋىل مەكتەبىندە ءبىلىم ساپاسى تومەن دەۋگە بولمايدى. ماسەلەن، سولتۇستىك قازاقستان، پاۆلودار، قوستاناي، قاراعاندى وبلىستارىنداعى اۋىل مەكتەپتەرىنىڭ ءبىلىم كورسەتكىشى وڭتۇستىك وڭىردەگى قالا مەكتەپتەرىنەن جوعارى. ءوڭىرارالىق تەڭسىزدىك ءارتۇرلى ماسەلەلەرگە بايلانىستى تۋىنداپ جاتادى. حالىقتىڭ تىعىز شوعىرلانۋى، ولاردىڭ الەۋمەتتىك جاعدايلارىنا بايلانىستى تۋىندايتىن ماسەلەلەر بار»، - دەيدى ۆيتسە- مينيستر.

سونداي-اق ۆيتسە- مينيستر «سوڭعى كەزدە كوپتەپ اشىلىپ جاتقان جەكە مەكتەپتەر قوعامدا باي مەن كەدەي بالاسى دەگەن تۇسىنىكتى، تەڭسىزدىكتى قالىپتاستىرا ما؟» دەگەن سۇراققا دا جاۋاپ بەرگەن.

«قوعامدا وسى ماسەلەنى بولمەۋ ءۇشىن ۇكىمەت ۇلكەن جۇمىس جاساپ جاتىر. جەكەمەنشىك مەكتەپتەردى اشۋ ءۇشىن ءبىرىنشى مەملەكەتتىك تاپسىرىس الىنادى. جەكە ۇيىمنىڭ باسشىسى مەكتەپ سالۋعا نيەت بىلدىرگەن بولسا، بارلىق قۇجاتتارىن وتكىزىپ، قۇرىلىسىنىڭ باسىنان باستاپ، سوڭىنا دەيىن جۇمساعان قاراجاتىن قايتىپ الاتىن مەحانيزم بار. ۇكىمەت وعان تولىق قولداۋ كورسەتەدى. سالعان اقشاسىن الداعى 8 جىلدا مەملەكەت وتەپ بەرەدى. مەكتەپ - الەۋمەتتىك سالا، سول سەبەپتى مەملەكەت تولىق قولداۋعا الادى. الەۋمەتتىك تەڭسىزدىككە جول جوق»، - دەيدى شولپان كارينوۆا.

Басты сөздер: ءبىلىم جانە عىلىم, قوعام,
Жоғары қарай