Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ەنەرگەتيكا ءمينيسترى رەسەيدەن گاز تارتۋدىڭ وڭتايلى مارشرۋتتارىن اتادى

2022 жылдың 24 мамыр 2022 17:14

نۇر-سۇلتان. قازاقپارات - سولتۇستىك وڭىرلەر مەن ش ق و- نى گازداندىرۋ بويىنشا ەنەرگەتيكا مينيسترلىگى 2 نۇسقانى قاراستىرىپ وتىر.

بۇل تۋرالى ق ر ەنەرگەتيكا ءمينيسترى بولات اقشولاقوۆ ايتىپ بەردى، دەپ حابارلايدى قازاقپارات ءتىلشىسى.

«ءبىرىنشى نۇسقا - رەسەي فەدەراتسياسىنان گاز تارتۋ. بۇل نۇسقا قازاقستاندىق-رەسەيلىك جۇمىس توبىنىڭ شەڭبەرىندە قاراستىرىلۋدا. مينيسترلىك اكىمدىكتەرمەن بىرلەسىپ، گازداندىرۋدىڭ نۇسقالارىن قاراۋ ءۇشىن تۇتىنۋدىڭ شاماداعى كولەمىن انىقتاپ، رەسەيلىك تاراپقا جولدادى. سونداي-اق گاز قۇبىرلارىنىڭ وڭتايلى مارشرۋتتارى انىقتالدى، بۇل - ۇزىندىعى شامامەن 1 مىڭ شاقىرىم «بارناۋىل - رۋبتسوۆ - سەمەي - وسكەمەن - پاۆلودار قالاسىندا تارماقتالۋى» جانە 644 شاقىرىم بولاتىن «ەسىل - پەتروپاۆل - كوكشەتاۋ - نۇر-سۇلتان»، - دەدى بولات اقشولاقوۆ ۇكىمەت وتىرىسىندا.

ءمينيستردىڭ ايتۋىنشا، قازىر رەسەيلىك تاراپ ەسەپ جۇرگىزىپ جاتىر، ونى بيىلعى ەكىنشى توقساندا الۋ بولجانعان.

«سونداي-اق ءبىز ش ق و مەن سولتۇستىك وڭىرلەردى رەسەي فەدەراتسياسىنان سۇيىتىلعان تابيعي گازدى جەتكىزۋ ارقىلى گازداندىرۋ نۇسقاسىن زەرتتەپ جاتىرمىز. بۇل رەتتە ول ءۇشىن كومپريميرلەۋ مەن قايتا گازداندىرۋدىڭ ءتيىستى ينفراقۇرىلىمىن سالۋ جانە قۇرىلىسقا ءتيىستى ينۆەستيتسيالار سالۋ تالاپ ەتىلەتىنىن اتاپ وتكەن ءجون»، - دەدى ەنەرگەتيكا ءمينيسترى. سونداي-اق، گازداندىرۋدىڭ تاعى ءبىر بالامالى نۇسقاسى - گازدى «سارىارقا» ماگيسترالدىق گاز قۇبىرىنان بەرۋ بولىپ وتىر.

«قازىرگى تاڭدا «استاناگاز ق م گ» ا ق اقمولا جانە سولتۇستىك قازاقستان وبلىستارىن گازداندىرۋدى كوزدەيتىن «سارىارقا» م گ ق- نىڭ 2-3-كەزەڭدەرىن سالۋ بويىنشا تەحنيكالىق- ەكونوميكالىق نەگىزدەمەنى تۇزەتتى.

مەملەكەتتىك ساراپتاما ماۋسىم ايىندا شىعۋى مۇمكىن. الۋدىڭ كۇتىلەتىن مەرزىمى - بيىلعى ماۋسىم.

«استاناگاز ق م گ» اقپاراتى بويىنشا، ماتەريالداردىڭ قىمباتتاۋىن ەسكەرە وتىرىپ، ۇزىندىعى 483 ك م بولاتىن «سارىارقا» م گ ق- نىڭ 2-3- كەزەڭدەرىن سالۋ قۇنى - شامامەن 165 ميلليارد تەڭگە»، - دەدى بولات اقشولاقوۆ.

Басты сөздер: بيلئك جانة ساياسات,
Жоғары қарай