Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

كەلەسى جىلدان باستاپ «التىن بەلگى» ۇمىتكەرلەرىنە تالاپ كۇشەيەدى

2022 жылдың 24 мамыр 2022 20:22

نۇر-سۇلتان. قازاقپارات - 2023-جىلعى «التىن بەلگى» ۇمىتكەرلەرىنە تالاپ كۇشەيەدى.

بۇل تۋرالى ق ر ب ع م مەكتەپكە دەيىنگى جانە ورتا ءبىلىم كوميتەتى ءتوراعاسىنىڭ ورىنباسارى جومارت قارامبايەۆ ايتتى، دەپ حابارلايدى قازاقپارات ءتىلشىسى.

«كەلەسى جىلدان باستاپ «التىن بەلگى» ۇمىتكەرلەرىنە تالاپ كۇشەيەدى. ولار مىناداي تالاپتارعا ساي بولۋى ءتيىس. بىرىنشىدەن، جالپى ورتا ءبىلىم بەرەتىن وقۋ باعدارلاماسىنا سايكەس، 10، 11- سىنىپتارداعى وقۋ كەزەڭىندە توقساندىق، جىلدىق جانە قورىتىندى باعالارى 5 بولۋى كەرەك. سوندىقتان كەلەسى جىلى 10، 11- سىنىپتا جىلدىق جانە قورىتىندى باعا عانا ەمەس توقساندىق تا، جىلدىق تا، قورىتىندى دا باعا ەسەپكە الىنادى. ەكىنشىدەن، جالپى ورتا ءبىلىمدى اياقتاعاننان كەيىن نازاربايەۆ زياتكەرلىك مەكتەپتەرىنىڭ بازاسىندا الگەبرا جانە تالداۋ نەگىزدەرى وقۋ ءپانى بويىنشا قورىتىندى اتەستاتتاۋدان ءوتۋى كەرەك»، - دەدى ول مينيسترلىكتىڭ پاراقشاسىندا وتكەن ونلاين بريفينگ بارىسىندا.

ونىڭ اتاپ وتۋىنشە، 2023-جىلدان باستاپ «التىن بەلگى» ۇمىتكەرلەرى قالعان ءتورت ءپاندى وزدەرى ءبىلىم العان مەكتەپتە تاپسىرادى.

«ءۇشىنشى تالاپ، ۇمىتكەردىڭ نەگىزگى ءبىلىم بەرۋ تۋرالى ۇزدىك اتەستاتى بولۋى ءتيىس. ياعني، ول 9- سىنىپقا دەيىن ۇزدىك وقۋى كەرەك دەگەن ءسوز»، - دەدى جومارت قارامبايەۆ.

Басты сөздер: ءبىلىم جانە عىلىم,
Жоғары қарай