Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ۇ ق ش ۇ قورعانىس مينيسترلەرى قاۋىپ- قاتەرلەرگە جاۋاپ بەرۋ تەتىكتەرىن تالقىلادى

2022 жылдың 24 мамыр 2022 21:48

نۇر- سۇلتان. قازاقپارات - ۇجىمدىق قاۋىپسىزدىك تۋرالى شارت ۇيىمىنا مۇشە ەلدەردىڭ قورعانىس ۆەدومستۆولارىنىڭ باسشىلارى اسكەري قاۋىپسىزدىككە تونەتىن قاۋىپ- قاتەرلەر مەن ولارعا جاۋاپ بەرۋ ماسەلەلەرىن تالقىلادى.

قازاقپارات بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

ۇسىنىلعان اقپاراتقا سايكەس، بەينەكونفەرەنتسيا رەجيمىندە وتكەن وتىرىستا ۇجىمدىق قاۋىپسىزدىك ايماقتارىنداعى اسكەري قاۋىپسىزدىككە تونەتىن قاۋىپ- قاتەرلەر، ولارعا قارسى ءىس- قيمىل شارالارى جونىندە پىكىر الماسۋ بولدى. بۇدان بولەك، داعدارىسقا قارسى دەن قويۋ جۇيەسىن جەتىلدىرۋ جانە ۇيىم شەڭبەرىندە بىتىمگەرلىك الەۋەتتى دامىتۋ ماسەلەلەرى تالقىلاندى.

«16-مامىرداعى سامميتتە قازاقستان پرەزيدەنتى اتاپ وتكەندەي، ۇ ق ش ۇ- نى بىرىككەن ۇلتتار ۇيىمىنىڭ بىتىمگەرلىك قىزمەتىنە قوسۋ بويىنشا جۇمىستى جانداندىرۋ قاجەت دەپ سانايمىز. بۇل ۇ ق ش ۇ- نىڭ قۇقىقتىق سۋبەكتىلىگىن نىعايتىپ قانا قويماي، بەيبىتشىلىكتى قولداۋ جونىندەگى حالىقارالىق وپەراتسيالارعا ءىس جۇزىندە قاتىسۋ ارقىلى ۇيىمنىڭ بىتىمگەرلىك الەۋەتىن دامىتۋعا قىزمەت ەتەدى»، - دەدى قازاقستان قورعانىس ءمينيسترى رۋسلان جاقسىلىقوۆ.




كەزدەسۋ قورىتىندىسى بويىنشا ۇ ق ش ۇ ۇجىمدىق قاۋىپسىزدىك جۇيەسىنىڭ باسقارۋ ورگاندارىن بىرلەسىپ دايارلاۋ جانە كۇشتەرى مەن قۇرالدارىن جاساقتاۋدىڭ 2023 -جىلعا ارنالعان جوسپارى قابىلداندى. راديوەلەكتروندىق كۇرەس ماماندىقتارى بويىنشا اسكەري كادرلار دايارلاۋ جونىندەگى بازالىق وقۋ- ادىستەمەلىك جانە ۇ ق ش ۇ- عا مۇشە مەملەكەتتەردىڭ راديوەلەكتروندىق كۇرەستى دامىتۋ پروبلەمالارىن زەرتتەۋ سالاسىنداعى بازالىق عىلىمي- زەرتتەۋ ۇيىمى تۋرالى ەرەجەلەر بەكىتىلدى.

ۇ ق ش ۇ قورعانىس مينيسترلەرى كەڭەسىنىڭ كەزەكتى وتىرىسىن 2022 -جىلدىڭ ەكىنشى جارتى جىلدىعىندا ارمەنيا رەسپۋبليكاسىندا وتكىزۋ جوسپارلانىپ وتىر.

Басты сөздер: بيلئك جانة ساياسات,
Жоғары қарай