Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

تەڭگەنىڭ دوللارعا شاققاندا باعامى نىعايدى

2022 жылдың 25 мамыр 2022 08:55

نۇر- سۇلتان. قازاقپارات - تەڭگەنىڭ دوللارعا شاققاندا باعامى نىعايدى. ەگەر رۋبل قىمباتتاي بەرسە، ءتول اقشامىز ودان سايىن نىعايىپ، ءبىر دوللار ءۇشىن 400 تەڭگەگە دەيىن جەتۋى مۇمكىن.

بانك ماسەلەلەرى بويىنشا تاۋەلسىز ساراپشى ەرلان بياقايەۆ وسىلاي دەيدى. ءبىراق نارىقتاعى جاعداي كۇندە قۇبىلادى. سوندىقتان ساراپشىنىڭ پىكىرىنشە، تەڭگەلىك دەپوزيتتەر بۇگىنگى تاڭدا جيناقتى ساقتاۋدىڭ ەڭ سەنىمدى قۇرالى. ارينە ولاردىڭ كىرىسى از. ءبىراق سالىمدار قازاقستاننىڭ دەپوزيتتەرگە كەپىلدىك بەرۋ قورىمەن قورعالعان.

نۇرجان بياقايەۆ، بانك ماسەلەلەرى بويىنشا تاۋەلسىز ساراپشى:

- تەڭگەنىڭ نىعايۋى ءبىر جاعىنان جاقسى. ۇلتتىق ۆاليۋتامىزدىڭ الەمنىڭ نەگىزگى ۆاليۋتاسىنا شاققاندا نىعايعانى قۋانتادى ارينە. ءبىراق ەكىنشى جاعىنان، ءبىز رەسەي رۋبلىنە قاتىستى پوزيتسيامىزدى جوعالتىپ جاتىرمىز. بۇل رەسەيمەن ساۋدا قاتىناسىنا تەرىس اسەر ەتۋى مۇمكىن. بۇنىڭ قانشا ۋاقىتقا سوزىلاتىنىن ايتۋ قيىن. ول يمپورتتىق تاۋەلدىلىككە جانە جالپى قوس ەلدىڭ ساۋدا قاتىناسىنا جانە جالپى ەۋرازيالىق ەكونوميكالىق وداققا بايلانىستى. مۇمكىن بولاشاقتا قازاقستانعا وداقتان شىعۋ كەرەك بولار.

جالپى قازىر تەڭگەنىڭ تۇراقتالۋى ۇزاققا بارا ما؟ ونى ءدوپ باسىپ ايتۋ قيىن. ويتكەنى قازىر الەمدىك نارىق پەن ۆاليۋتا باعامدارىنا سىرتقى گەوساسي جاعداي اسەر ەتەدى. ەكى اپتا بۇرىن تەڭگە دوللار جۇبىندا ءتول اقشامىز قۇنسىزدانعان. ال كەشە وتاندىق قور بيرجاسىنداعى ساۋدا- ساتتىق ناتيجەسىندە ءبىر دوللار 416 تەڭگە بولىپ تىركەلدى.

www.24.kz

Басты сөздер: قوعام,
Жоғары қарай