Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

رەسەي ساتىپ الۋى ءتيىس «ساپسان» جۇردەك پويىزدارىن قازاقستانعا ەشكىم ۇسىنعان جوق

2022 жылдың 26 мамыр 2022 07:32

نۇر-سۇلتان. قازاقپارات - قازاقستان تاراپىنا Siemens كونسەرنى شىعارعان «ساپسان» جۇردەك پويىزدارىنىڭ 13 قۇرامىنىڭ 9-ىن ساتىپ الۋ تۋرالى ەشكىم ەشقانداي ۇسىنىس جاساعان جوق، دەپ حابارلايدى قازاقپارات.

وسىعان دەيىن ءبىرقاتار ب ا ق بەتىندە Siemens Velaro كومپانياسىنا تيەسىلى 3-بۋىنداعى پويىزداردىڭ 13 قۇرامى رەسەيمەن كەلىسىمشارت نەگىزىندە شىعارىلعانى جازىلدى. ولاردىڭ تەك تورتەۋى عانا جەتكىزىلگەن.

وزگە قۇرامدار Siemens كومپانياسىنىڭ رەسەيدەن كەتۋىنە بايلانىستى ونى ساتىپ الۋعا نيەت بىلدىرگەن تاراپ ءۇشىن شىعارۋ جوسپارلانعان.

ساتىپ الۋشى قالعان 9 قۇرامدى العان جاعدايدا وعان ۇلكەن جەڭىلدىكتەر جاسالماقشى. وسىعان بايلانىستى رەسەيگە بەرىلۋى ءتيىس پويىزداردى ۋكرايناعا نەمەسە قازاقستانعا ساتۋ جوسپارلانىپ وتىرعانى ايتىلعان.

«Deutsche Welle» باسىلىمىندا Siemens كومپانياسى پويىزدارىنىڭ بولاشاعى تۋرالى جاڭالىق بولدى. الايدا بىزگە وندىرۋشىدەن ەشقانداي ۇسىنىس تۇسكەن جوق جانە ءبىز بۇل ماسەلەنى تالقىلاعان دا ەمەسپىز. ونىڭ ۇستىنە جاڭالىقتا قازاقستان ساتىپ الۋى مۇمكىن تاپسىرىس بەرۋشى رەتىندە عانا كورسەتىلگەن. ودان باسقا ەشتەڭە جوق. سونداي- اق بۇل ماسەلەگە پىكىر ءبىلدىرىپ وتىرعان كونسەرننىڭ رەسمي وكىلەتتى قىزمەتكەرى ەمەس، وسى سالانىڭ ساراپشىسى»، - دەپ مالىمدەدى قازاقپارات تىلشىسىنە «قازاقستان تەمىر جولى» ۇ ك» ا ق - نىڭ ب ا ق- پەن بايلانىس دەپارتامەنتىنىڭ ديرەكتورى قايسار جۇماباي ۇلى.

سونىمەن قاتار ول تەمىرجول كولىكتەرىنە ماماندانعان SCI Verkehr كونسالتينگتىك كومپانياسىن باسقاراتىن ساراپشى ماريا لەننەننىڭ پىكىرىنەن ءۇزىندىنى ۇسىندى. ول قازاقستاندى پويىزداردى ساتىپ الۋعا قاۋقارى جەتەتىن ناقتى كانديدات رەتىندە كورەتىنىن ايتقان.

قايسار جۇماباي ۇلى اتالمىش ساراپشىنىڭ «بۇل ەلدە قاجەتتى قارجى دا، جۇردەك پويىزدار جۇرەتىن ارا قاشىقتىق تا بار»، - دەگەن پىكىرىن وقىپ بەردى.

سونىمەن قاتار ماريا لەنەن اتالعان پويىزداردى ۋكرايناعا بەرۋ تۋرالى دا ايتتى. پويىزدار ۋكراينانى قالپىنا كەلتىرۋ ىسىنە ۇلەس قوسار ەدى. بۇل ماسەلەنى قازىر ساياساتكەرلەر تالقىلاپ جاتىر.

اۆتور: ايدار وسپاناليەۆ

Басты сөздер: ئقپالداستئق, الةم,
Жоғары қарай