Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

بۇرشاق جاۋىپ، ۇسىك جۇرەدى

2022 жылдың 27 мамыр 2022 20:20

نۇر-سۇلتان. قازاقپارات - «قازگيدرومەت» ر م ك 28 - مامىردا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، كۇندىز الماتى وبلىسىنىڭ وڭتۇستىگىندە، تاۋ ەتەگىندەگى اۋدانداردا قاتتى جاڭبىر، نايزاعاي، بۇرشاق، داۋىل كۇتىلەدى. باتىستان، سولتۇستىك-باتىستان جەل سوعادى. ەكپىنى ەكپىنى 24-29 م/س جەتۋى ىقتيمال.

الماتى قالاسىندا كەشكە قاتتى جاڭبىر جاۋادى. كەي ۋاقىتتا نايزاعاي ويناپ، بۇرشاق تۇسەدى. تاڭەرتەڭ جانە كۇندىز جەلدىڭ كۇشى 25 م/س ارتادى.

تۇندە تۇركىستان وبلىسىندا تاۋ ەتەگىندەگى اۋدانداردا قاتتى جاڭبىر بولجانادى. ءوڭىردىڭ وڭتۇستىگىندە، تاۋلى جانە تاۋ بوكتەرلى اۋدانداردا نايزاعاي، بۇرشاق، داۋىل كۇتىلەدى. سولتۇستىك-باتىستان جەل سوعادى، تۇندە ەكپىنى 25 م/س جەتەدى.

شىمكەنت قالاسىندا تۇندە قاتتى جاڭبىر كۇتىلەدى. كەي ۋاقىتتا نايزاعاي ويناپ، داۋىل تۇرادى. سولتۇستىك-باتىستان جەل سوعادى، ەكپىنى 15-20 م/س قۇرايدى.

اقمولا وبلىسىنىڭ شىعىسىندا نايزاعاي ويناپ، سولتۇستىك-باتىستان جەل سوعادى، تۇندە ءوڭىردىڭ شىعىسىندا، كۇندىز باتىسىندا جىلدامدىعى 15-20 م/س ارتادى.

تۇندە قىزىلوردا وبلىسىنىڭ شىعىسىندا نايزاعاي كۇتىلەدى. جەل سولتۇستىك-باتىستان سوعادى، وبلىستىڭ ورتالىعىندا، شىعىسىندا كۇشى 15-20 م/س قۇرايدى. ءوڭىردىڭ ورتالىعىندا توتەنشە ءورت قاۋپى ساقتالادى. تۇندە باتىس قازاقستان وبلىسىنىڭ سولتۇستىك بولىگىندە، شىعىسىندا، كۇندىز سولتۇستىك-شىعىسىندا نايزاعاي، بۇرشاق بولجانادى. جەل وڭتۇستىك-باتىستان سوعادى، كۇندىز ەكپىنى 15-20 م/س ارتادى.

كۇندىز پاۆلودار وبلىسىنىڭ وڭتۇستىگىندە نايزاعاي، بۇرشاق، داۋىل كۇتىلەدى. سولتۇستىك-باتىستان جەل سوعادى، كۇندىز ءوڭىردىڭ وڭتۇستىگىندە، ەكپىنى 15-20 م/س جەتەدى. وبلىستىڭ وڭتۇستىگىندە توتەنشە ءورت قاۋپى ساقتالادى. كۇندىز قوستاناي وبلىسىنىڭ سولتۇستىگىندە، باتىسىندا نايزاعاي، بۇرشاق بولجانادى. تۇندە جانە تاڭەرتەڭ ءوڭىردىڭ باتىسىندا تۇمان بولادى.

وڭتۇستىك-باتىستان جەل سوعادى، كۇندىز ءوڭىردىڭ سولتۇستىگىندە، باتىسىندا جىلدامدىعى 15-20 م/س ارتادى. تۇندە وبلىستىڭ باتىسىندا توپىراق بەتىندە 2 گرادۋس ۇسىك كۇتىلەدى.

اقتوبە وبلىسىندا وڭتۇستىك-باتىستان، باتىستان جەل سوعادى. كۇندىز ءوڭىردىڭ سولتۇستىگىندە ەكپىنى 18 م/س ارتادى.

كۇندىز شىعىس قازاقستان وبلىسىنىڭ باتىسىندا نايزاعاي ويناپ، 15-20 م/س كۇشپەن جەل سوعادى. جارما، كاتونقاراعاي اۋدانىندا توتەنشە ءورت قاۋپى ساقتالادى.

قاراعاندى وبلىسىنىڭ ورتالىعىندا، شىعىسىندا قاتتى جاڭبىر، نايزاعاي، بۇرشاق، داۋىل كۇتىلەدى. سولتۇستىك-باتىستان جەل سوعادى، وبلىستىڭ ورتالىعىندا، شىعىسىندا ەكپىنى 23-28 م/س جەتۋى ىقتيمال.

كۇندىز سولتۇستىك قازاقستان وبلىسىنىڭ باتىسىندا نايزاعاي ويناپ، تۇندە جانە تاڭەرتەڭ سولتۇستىك-باتىستا تۇمان كۇتىلەدى. جەلدىڭ ەكپىنى 15-20 م/س ارتادى.

تۇندە وبلىستىڭ باتىسىندا 2 گرادۋس ۇسىك جۇرەدى.

Басты сөздер: ايماق, اۋارايى,
Жоғары қарай