Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Арыс қаласында  мұқтаждарға тегін азық-түлік тарататын әлеуметтік дүкен ашылды

2021 жылдың 19 шілде 2021 23:13

АРЫС. ҚазАқпарат - Арыс қаласында мұқтаж жандарға арналған әлеуметтік дүкен ашылды. Жағдайы төмен отбасылар мен көмекке зәру тұрғындарға арналған дүкенде азық-түлік пен киім-кешектен бастап тұрмыстық техника сынды көптеген заттар тегін таратылады, деп хабарлайды ҚазАқпарат тілшісі.

Қала тарихында алғаш рет ашылған «Әлеуметтік дүкен» сөз бен мейірімге мұқтаж жандардың қажеттілігін өтеуге себепкер болмақ. Сауда орнының ашылу рәсіміне қала әкімі Гүлжан Құрманбекова мен зиялы қауым өкілдері және қала тұрғындары қатысып, ұсыныс пікірлерін ортаға салды.

«Қаламызда алғаш рет іске қосылған бұл дүкен «Қолғабыс» қоғамдық қорының бастамасымен ашылып отыр. Мұнда киім-кешектен бастап, аяқ киім, ойыншық, балаларға арналған арба, ыдыс-аяқ, тұрмыстық техникамен қоса азық-түлік өнімдеріне дейін бар. Жаны жомарт жандар табыстаған тұрмысқа қажетті заттарды дүкен қызметкерлері мұқтаж отбасыларға тегін беретін болады», – дейді Гүлжан Құрманбекова.







«Қолғабыс» қоғамдық қорының жетекшісі Сырлыбек Мұсабековтің айтуынша, дүкен есігі көпбалалы отбасылар мен мүмкіндігі шектеулі жандарға және жалғызбасты аналар үшін әрдайым ашық болмақ. Айта кетейік, қала кәсіпкерлері мен қоғам белсенділері атсалысқан игі жоба аясында 3 адам тұрақты жұмыспен қамтылып отыр.

















Жоғары қарай