Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ashyq қосымшасы «қызыл» мәртебесін қате көрсетсе не істеу керек

2021 жылдың 21 мамыр 2021 20:11

НҰР-СҰЛТАН. ҚазАқпарат – Қазақстандықтарға Ashyq қосымшасы «қызыл» мәртебесін қате көрсеткен жағдайда не істеу керектігі айтылды, деп хабарлайды ҚазАқпарат тілшісі.

«Кеше Ashyq қосымшасында техникалық ақау табылғанда, әуежаймен қатар басқа да нысандарға ескертілді. Қолайсыздықтар мен кедергі болмады, жолаушыларға әуежайда әдеттегідей қызмет көрсетілді және мәселе болмауы да тиіс. Бізде өзара санитарлық-эпидемиологиялық қызметтің байланыс телефоны бар және ол үшін әуежайда арнайы бөлме де қарастырылған. Сондықтан проблема туындамауы тиіс. Жалпы Ashyq қосымшасы қалай жұмыс істейді? Сіз ЖСН-ді сканерлегенде немесе тергенде ол автоматты түрде Денсаулық сақтау министрлігінің базасына еніп, одан әрі азаматтың ПТР бойынша мәртебесін сұрайды. Егер жеке мәліметті дұрыс термеген немесе басқа да қателік туындаған жағдайда санитарлық-эпидемиологиялық қызмет өкілдері мәселені дереу шешеді. Яғни азаматтың мәртебесін қарайды, тексереді, қате кеткен жағдайда түзетеді», - деп түсіндірді ҚР Цифрлық даму, инновациялар және аэроғарыш өнеркәсібі министрлігі Цифрлық шешімдер департаментінің директоры Болатбек Молдабеков.

Бұған дейін департамент басшысы Ashyq қосымшасы арқылы азаматтардың жеке мәліметтері тексерілмейтінін айтып, министрлік өкілдерінің ешкімді аңдымайтынын еске салған болатын.


Жоғары қарай