Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау мұнай өңдеу зауыты авиаотынды 26,7 мың тоннаға артық өндірген

2021 жылдың 4 қазан 2021 21:50

АТЫРАУ. ҚазАқпарат – Атырау мұнай өңдеу зауытында 8 айда 3,5 млн мұнай өңделді, деп хабарлайды ҚазАқпарат.

Зауыттың қоғаммен байланыс бөлімінің мәліметінше, биылғы 8 айда өңделген мұнай былтырғы осы кезеңдегіден 265 тоннаға артқан.

«Атырау мұнай өңдеу зауытында 2010-2017 жылдары ауқымды қайта жаңғырту жүргізілген еді. Қайта жаңғыртудың нәтижесінде сапалы мұнай өнімдерін шығару көлемі ұлғайды. Мәселен, биылғы 8 айда өңделген мұнай көлемі 3 521 026 тоннаны құрады. Бұл, 2020 жылдың сәйкес кезеңімен салыстырғанда 265 мың тоннаға артық. Осы кезеңде тауарлы дизель отынын шығару 1 027 123 тоннаға жетіп, былтырғыдан 10,5 мың тоннаға артты.

Ал, тауарлы автожанармай өндіру 835 099 тоннаны құрап, өткен жылғы көрсеткіштен 144 535 тоннаға өсті. Сондай-ақ, РТ маркалы 82 949 тонна тауарлы авиаотын өндірілді. Бұл былтырғы жылдың сәйкес кезеңімен салыстырғанда 26 766 тоннаға көп», - деп хабарлады Атырау мұнай өңдеу зауытының қоғаммен байланыс бөлімінен.

Еске сала кетелік, бұдан бұрын жанармай тапшылығына байланысты Атырау мұнай өңдеу зауыты дизель өндіруге кіріскенін жазған болатынбыз.


Автор Бек Мұстафа
Басты сөздер: Аймақ, Атырау облысы, Мұнай,
Жоғары қарай