Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысында 51 мың адам вакцина салдырды

2021 жылдың 26 мамыр 2021 21:01

АТЫРАУ. ҚазАқпарат – Атырау облысында 51 511 адам коронавирус инфекциясына қарсы вакцина салдырды, деп хабарлайды ҚазАқпарат.

Облыстық денсаулық сақтау басқармасы баспасөз қызметінен мәлім еткендей, 25 мамырда «Спутник V», «QazVac» және «Hayat-Vax» вакциналарының І компонентін жергілікті 908 тұрғын салдырған.

«Өңірде 1 ақпан-25 мамыр аралығында коронавирус инфекциясына қарсы вакциналардың І компонентін салдырғандардың саны 51 511 адамға жетті. Ал, вакциналардың ІІ компонентін 20 712 адам алды» -деп хабарлады басқарманың баспасөз қызметі.

Еске сала кетелік, бұдан бұрын Атырау облысында коронавирус инфекциясын жұқтырған 27 науқас жансақтау бөлімінде жатқанын хабарлаған едік.


Жоғары қарай