Ауа райы
Астана 19 °С
Алматы 18 °С
валюта бағамы
USD 412.55
EUR 465.73
RUB 5.79
CNY 58.91

Атырау облысында екі кент карантинге жабылды

2020 жылдың 24 мамыр 2020 20:56

АТЫРАУ. ҚазАқпарат –Атырау облысында екі кент 8 маусымға дейін карантинге жабылды, деп хабарлайды ҚазАқпарат.

Бұл туралы бүгін облыстық тауарлар мен көрсетілетін қызметтердің сапасы мен қауіпсіздігін бақылау департаменті басшысының міндетін атқарушы Амантай Жұмағалиев мәлім етті.

«Атырау облысында 6 ауданның тұрғындарынан коронавирус инфекциясы анықталып отыр. Соның ішінде Жылыой ауданында - 16, Құрманғазыда – 6, Мақатта – 6, Исатайда – 4, Махамбетте – 1, Индер ауданында - 1 дерек тіркелді. Осыған байланысты аудандық бас санитар дәрігердің қаулысымен Мақат ауданындағы Мақат кенті мен Жылыой ауданында орналасқан Майкөмген кенті карантинге жабылды. Карантин мерзімі 8 маусымға дейін созылады», - деді Амантай Жұмағалиев.

Еске сала кетелік, бұған дейін Атырау облысының Исатай ауданынан коронавирустың жаңа ошағы табылғанын хабарлаған едік.


Жоғары қарай