Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысында халық санағын жүргізуге 168,8 млн теңге бөлінді

2021 жылдың 8 маусым 2021 13:57

АТЫРАУ. ҚазАқпарат – Атырау облысында халық санағын жүргізуге 168,8 млн теңгебөлінген, деп хабарлайды ҚазАқпарат.

Атырау облыстық статистика департаментінің басшысы Галя Мұханғалиеваның мәліметінше, өңірде халық санағын өткізу үшін республикалық бюджеттен 193 млн теңгеден астам қаржы қарастырылған.

«Биыл аталған қаржының 168,8 млн теңгесі бөлінді. Оның 146,6 млн теңгесі санақ персоналына жалақы ретінде төленеді», -дейді Галя Аманғалиева.

Оның айтуынша, облыста халық санағын жүргізетін персональ құрамына 207 адам тартылған. Олар жеке қорғаныш құралдарымен қамтылған.

«Атырау қаласы әкімдігі ұлттық халық санағын жүргізетін адамдарға қолдау көрсеткелі отыр. Бұл – санақшылардың шаһар аумағында қатынайтын қоғамдық көліктерде тегін жүру жеңілдігі» - дейді Г.Аманғалиева.


Жоғары қарай