Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысында қанша балық қырылды

2021 жылдың 13 мамыр 2021 02:56

АТЫРАУ. ҚазАқпарат – Атырау облысында мамыр басталғалы бері қанша балықтың қырылғаны туралы айтылды, деп хабарлайды ҚазАқпарат.

Атырау облыстық балық шаруашылығы басқармасының басшысы Артур Сәдібекұлының айтуынша, балық судың таяздығы мен ауаның жетіспеушілігінен қырылған.

«Бесікті ауылы маңындағы Безымянное су жайылмасында 2-9 мамырда 6,8 тонна балық қырылып, 25 тоннадан астамы құтқарылды. Ақтоғай ауылының жанындағы Бақсай каналында 4,6 тонна қаракөз қырылды. Мұнда құтқарылған балықтың көлемі 8,1 тоннаны құрады. Құрманғазы ауданындағы Шарон өзенінде қырылған 700 кило балық жойылды», - деді Артур Сәдібекұлы.

Оның мәліметінше, көктем басталғалы облыстағы 52 су айдынында балықтың уылдырық шашуға кедергісіз кіру үшін тазарту жұмысы жүргізілген.

Еске сала кетелік, бұдан бұрын Атырауда 3 тоннадан астам балық құтқарылып, өзенге жіберілгенмен, кейін 2 тонна балық қырылғанын хабарлаған едік.

Автор Бек Мұстафа
Басты сөздер: Атырау облысы, Экология,
Жоғары қарай