Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысында үш компания қылмыстық топ көмегімен 715 млн теңге салықтан жалтарған

2021 жылдың 2 желтоқсан 2021 17:16

АТЫРАУ. ҚазАқпарат - Атырау облысында мемлекетке 700 миллион теңге көлемінде залал келтірген ұйымдасқан қылмыстық топ мүшелері сотталды, деп хабарлайды ҚазАқпарат Қаржылық мониторинг агенттігіне сілтеме жасап.

Қылмыстық топ қаражатты криминалдық жолмен қолма-қол ақшаға айналдырып келген.

«Агенттіктің Атырау облысы бойынша аумақтық департаменті Н.Дәулетиярованың басшылығымен ұйымдасқан қылмыстық топ қызметінің жолын кесті.

Ұйымдасқан қылмыстық топ мүшелері үлестес компаниялар – «Атырау Инвест Групп» ЖШС, «БР-Групп» ЖШС, «Ербек-компани» ЖШС атынан 2017 жылдан бастап 2019 жылға дейінгі кезеңде облыс кәсіпорындарына жалған шот-фактураларды жазып беру бойынша заңсыз қызметті жүзеге асырды», делінген хабарламада.

Осылайша, компанияларға 715 миллион теңгеден астам бюджетке салық төлеуден жалтаруға жәрдем көрсеткен.

«Бас ұйымдастырушы Н.Дәулетиярова 7 жылға бас бостандығынан айырылды, оның сыбайластары Р.Батқаев пен Б.Жүсіпов тиісінше 5 және 5,5 жылға сотталды.

Бұл адамдар 5 жыл мерзімге коммерциялық ұйымдарда басшылық лауазымдарды атқару, сондай-ақ бухгалтерлік қызметпен айналысу құқығынан айырылды», делінген хабарламада.


Жоғары қарай