Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысының энергетика басқармасына жаңа басшы келді

2021 жылдың 14 мамыр 2021 19:18

АТЫРАУ. ҚазАқпарат – Атырау облысы әкімінің өкімімен Ерлан Асылбекұлы Назаров облыстық Энергетика және тұрғын үй – коммуналдық шаруашылық басқармасының басшысы болып тағайындалды деп хабарлайды ҚазАқпарат.

Ерлан Асылбекұлы 1983 жылы Қызылорда қаласында туған. Білімі жоғары. Қорқыт ата атындағы Қызылорда мемлекеттік университетін экономист-менеджер мамандығымен ҚР Президенті жанындағы мемлекеттік басқару академиясын, Ұлттық мемлекеттік саясат мектебін, сондай-ақ АҚШ-тағы Дьюк университетін бітірген.

Еңбек жолын Қызылорда облысы бойынша Статистика департаментінде бастап, 2004-2006 жылдары осы мекемеде экономист, маман, жетекші маман, бөлім бастығы болып жұмыс істеген.

2007-2008 жылдары Қызылорда облысының Қаржы басқармасында түрлі лауазымда қызмет еткен.

2008 – 2010 жылдары Қызылорда қаласы әкімі аппаратының экономикалық талдау және қала құрылымын дамыту бөлімінің бастығы болған. 2010 – 2012 жылдары Жалағаш ауданы әкімінің аппаратын басқарған.

2012 – 2013 жылдары Солтүстік Қазақстан облысы Кәсіпкерлік және өнеркәсіп басқармасы басшысының орынбасары болған. 2013 – 2015 жылдары - Қызылорда облысының Сыртқы байланыстар басқармасының басшысы.

2015 жылы ҚР Президентінің «Байқоңыр» кешеніндегі арнайы өкілінің қызметін қамтамасыз ету басқармасының басшысы болып жұмыс істеді.

В 2017 – 2019 жылдары Ақтөбе облысының индустриалды-инновациялық даму басқармасына, 2019-2020 жылдары Ақтөбе облысының Кәсіпкерлік басқармасына басшы болды.

Қазіргі лауазымға тағайындалғанға дейін бизнес-құрылымдарда басшылық қызмет еткен.
Автор Бек Мұстафа
Басты сөздер: Тағайындау, Атырау облысы,
Жоғары қарай