Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырау облысының мектептері Ashyq қосымшасымен жұмыс істейді

2021 жылдың 28 тамыз 2021 13:45

АТЫРАУ. ҚазАқпарат – Жаңа оқу жылында Атырау облысының мектептері Ashyq қосымшасымен жұмыс істейді, деп хабарлайды ҚазАқпарат.

Бұл туралы Атырау облысының бас мемлекеттік санитарлық дәрігері Мәдениет Танауовтың жаңа қаулысында айтылған.

«Педагогтар мен персоналдың 100% вакцинациялануы (тұрақты медициналық қарсы көрсетілімдері бар адамдарды, COVID-19 ауырып сауыққан адамдарды сауыққаннан кейін 3 ай ішінде қоспағанда), ұйымға кіру кезінде Ashyq қосымшасын енгізу (педагогтарды, персоналды, ата-аналарды (заңды өкілдерді), 18 және одан жоғары жастағыбілім алатын келушілерді QR код бойынша тіркеу), маска режимін сақтау, рециркулятор, санитайзер, антисептик, дезинфекциялау және жуу құралының жеткілікті санымен, үй-жайларды жинау және дезинфекциялау жиілігін арттыру, желдету және зарарсыздандыру режиміне қойылатын талаптарды сақтау, педагогтардың, персоналдың және білім алушылардың күнделікті «кіру» сүзгісі (байланыссыз термометрия) қамтамасыз етілсін», - делінген құжатта.

Сондай-ақ, бұқаралық іс-шараларды (мәдени, тәрбие, сыныптан тыс және ата-аналар жиналыстары және т. б.), мектепке дейінгі және орта білім беру ұйымдарында топтар мен сыныптарды біріктіре отырып іс-шаралар өткізуге тыйым салынған.

Жаңа қаулының толық нұсқасымен мына сілтемеден танысуға болады.

Автор: Бек Мұстафа


Жоғары қарай