Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Атырауда 2 жасар бала коронавирустан жазылып кетті

2021 жылдың 15 қыркүйек 2021 04:05

АТЫРАУ. ҚазАқпарат – Атырауда 2 жасар бала корорнавирус инфекциясынан жазылып шықты, деп хабарлайды ҚазАқпарат.

Емдеуші дәрігер Назерке Төлетаеваның айтуынша, бала бұған дейін сал ауруы (ДЦП), жүйке жүйесінің атрофиясы, микроцефалия диагнозымен есепте тұрған.

«Науқас 26 тамызда дене қызуының көтерілуіне байланысты облыстық балалар ауруханасына түсті. Компьютерлік томографияның нәтижесімен баланың өкпесінің 12 пайызы зақымдалғаны анықталды. Сол себептен, ол №2 облыстық ауруханаға жатқызылды» -дейді Назерке Төлетаева.

Науқас балада құрысудың айқын белгілері болған. Ол 31 тамыздан 3 қыркүйекке дейін жансақтау бөлімінде емделген. Қазір 2 жасар бала тиісті ем-шаралардан кейін коронавирус инфекциясынан толық жазылып шыққан.

Еске сала кетелік, бұған дейін Атырауда коронавирус жұқтырған 2 жасар бала жансақтау бөлімінде жатқанын жазған едік.


Жоғары қарай